لە قەزای پێنجوێن دوو هاووڵاتی بە تۆمەتی بیرهەڵکەندن دەستگیر کران

2 هاووڵاتی له‌ قه‌زای پێنجوێن له‌لایه‌ن پۆلیسه‌وه‌ به‌تۆمه‌تی بیرهه‌ڵكه‌ندن ده‌ستگیركران.
پۆلیسی ژینگه‌ و دارستانی پارێزگای سلێمانی ئه‌مڕۆ پێنجشه‌م 2ی11ی2023 بڵاویكرده‌وه‌، 
 لە لایەن مەفرەزەیەكی بەشی پۆلیسی دارستانی پێنجوێنەوە لە سنوری گوندی ( کواوا ) بە تۆمەتی بیرهەڵکەندن ( 2 ) هاووڵاتی دەستگیر کران، دەستیشگیرا بەسەر ئامێرێکی بیرلێدان .
ئاماژه‌ به‌وه‌شكراوه‌، هەروەها  لە سنوری گوندی ( کانی میران )ی قەزای پێنجوێن لە لایەن مەفرەزەیەكی بارەگای بەڕێوەبەرایەتیمان دەستگیرا بەسەر ئامێرێکی بیرهەڵکەندن بەڵام خاوەنەکەی نادیار بوو ، پاشان ڕادەستی بەشی پۆلیسی دارستانی پێنجوێن کرا بۆ گرتنەبەری ڕێکاری یاسایی .