به‌ڕێوه‌به‌رایه‌تی نه‌هێشتنی تاوانی پارێزگای كه‌ربه‌لا ئه‌مڕۆ یه‌كشه‌م ده‌ستگیركردنی ئه‌و كه‌سانه‌ی ڕاگه‌یاند كه فێرببوون له گۆڕستانه‌كان كاشی و مه‌ڕمه‌ڕ و تانكیان ده‌دزی و ده‌یانفرۆشته‌وه.
به‌ڕێوه‌به‌رایه‌تییه‌كه ڕایگه‌یاند: له چه‌ند رۆژی ڕابردوودا چه‌ند هاووڵاتییه‌ك سكاڵایان تۆمار كردبوو به‌هۆی ئه‌وه‌ی له‌سه‌ر گۆڕی خۆشه‌ویسته‌كانیان كه‌لوپه‌لیان دزراوه.
ڕاشیگه‌یاند: بۆ ئه‌م مه‌به‌سته هێزه‌كانمان بۆسه‌یه‌كیان دانا و له كاتی هه‌وڵدان بۆ ئه‌نجامدانی تاوانه دزیكردنه‌كه، سێ كه‌سیان ده‌ستگیر كرد.
هه‌روه‌ها ڕایگه‌یاند: هه‌رسێ كه‌سه‌كه دانیان به‌وه‌دانا كه له ماوه‌ی ڕابردوودا له گۆڕستانه‌كانی پارێزگای كه‌ربه‌لا چه‌ندان كه‌لوپه‌لی وه‌ك كاشی و مه‌ڕمه‌ڕ و بڵندگۆی ده‌نگی و تانكی ئاو و ده‌رگه و په‌نجه‌ره و چه‌ندین كه‌لوپه‌لی تریان دزیوه و فرۆشتوویانه‌ته‌وه.
به‌ڕێوه‌به‌رایه‌تی نه‌هێشتنی تاوانی كه‌ربه‌لا جه‌ختیشی كرده‌وه كه تۆمه‌تباره‌كان ڕه‌وانه‌ی به‌رده‌م دادوه‌ر كران تا سزای تاوانه‌كانیان وه‌ربگرن.
کۆمێنت (0)
تا ئێستا هیچ کۆمێنتێک نەکراوە.