سەرۆكی حكومەت پێشوازی لە كونسوڵی گشتیی نوێی ئەمریكا لە هەرێمی كوردستان دەكات

ئەمڕۆ پێنجشەممە 24ی ئابی 2023، مەسرور بارزانی، سەرۆكی حكومەتی هەرێمی كوردستان پێشوازیی لە مارك سترۆ، كونسوڵی گشتیی نوێی ئەمریكا لە هەرێمی كوردستان كرد.
 لە دیدارەكەدا سەرۆكی حكومەت پیرۆزبایی دەستبەكاربوونی لە كونسوڵی نوێ كرد و خواستی حكومەتی هەرێمی كوردستانیشی بۆ پەرەپێدانی زیاتری پەیوەندییەكانی لەگەڵ ئەمریكا دەربڕی.
هەروەها ئاماژە بە پەیوەندیی مێژوویی و دۆستانەی هەرێم و ئەمریكا كرد و سوپاس و پێزانینی هەرێمی كوردستانی بۆ هاوكاری و پشتیوانیی بەردەوامیی ئەمریكا دووپات كردەوە. 
لای خۆیەوە كونسوڵی گشتیی نوێی ئەمریكا، ئامادەیی وڵاتەكەی بۆ برەودان بە پەیوەندی و هەماهەنگیی دوولایەنە نیشان دا.
گرنگیی  پاراستنی مافە دەستوورییەكانی هەرێمی كوردستان و چارەسەركردنی كێشەكان لەگەڵ حكومەتی فیدراڵ لەسەر بنەمای دەستوور و ڕێككەوتنەكان، تەوەرێكی سەرەكی دیدارەكە بوو.