دوای ئەوەی شەوی ڕابردوو وەزیری دەرەوەی تورکیا بە سەردانێک گەیشتە بەغدا، بڕیارە ئەمشەو بگاتە هەولێر و لەگەڵ بەرپرسانی باڵای هەرێمی کوردستان کۆ دەبێتەوە.
ڕاگەیاندنی فەرمانگەی پەیوەندییەکانی دەرەوەی هەرێمی کوردستان ڕایگەیاند: ئەمشەو چوارشەممە 23ـی 08ـی 2023 هاکان فیدان وەزیری دەرەوەی کۆماری تورکیا دەگاتە هەرێمی کوردستان.
ڕاشیگەیاند: دوای سەردانەکەی بۆ بەغدا و کۆبوونەوەی لەگەڵ بەرپرسانی باڵای عیراق، بڕیارە ئەمشەو هاکان فیدان، وەزیری دەرەوەی تورکیا بگاتە هەرێمی کوردستان و لەلایەن ڕێبەر ئەحمەد وەزیری ناوخۆ، سەفین دزەیی بەرپرسی پەیوەندییەکانی دەرەوە، فەلاح مستەفا گەورە ڕاوێژکاری سەرۆکی هەرێمی کوردستان و چەند بەرپرسێکی دیکە پێشوازی لێبکرێ.
فەرمانگەی پەیوەندییەکانی دەرەوە ئاماژەی بەوەش دا کە "لە چوارچێوەی سەردانەکەی بۆ هەرێمی کوردستان، ڕۆژی پێنجشەممە وەزیری دەرەوەی تورکیا لەگەڵ بەرپرسانی باڵای هەرێمی کوردستان کۆبوونەوە فەرمییەکانی دەستپێدەکات."
کۆمێنت (0)
تا ئێستا هیچ کۆمێنتێک نەکراوە.