ده‌روازی نێوده‌وڵه‌تی ئیبراهیم خه‌لیل رێكاری نوێ به‌مه‌به‌ستی كه‌م كردنه‌وه‌ی قه‌ره‌باڵغی له ده‌روازه‌كه راگه‌یاند.
ده‌قی راگه‌یاندراو:
داخویانییەک ژ گوتەبێژێ کومەلگەھا دەروازەیێ نیڤدەولەتی ئیبراھیم خەلیل خەلکێ خوە یێ ھێژا ئاگەھدار دکەین کو ئەڤرو رێککەفتی ١٥ێ ئابا ٢٠٢٣یێ ب مەبەستا نەھێلانا قەرەبالغیێ میکانزمێ نوی یێ چوونا گەشتیاران بو وەلاتێ تورکیایێ ھاتە جێ ب جێ کرن. ل دویف سیستەمێ نوی (٢) دوو رێک ھاتنە ڤەکرن ژ بو چوونا گەشتیاران بو وەلاتێ تورکیایێ، ئیدی نوبەیا وان گەشتیارێن کو دماوەیێ (١٥) روژاندا سەرەدانا تورکیایێ نەکربیت دێ جودا بیت ژ وان گەشتیارێن کو بەردەوام ئانکو روژانە ھاتن و چوونا وەلاتێ تورکیایێ دکەن ب ھەر مەرەما بیت. ژ ھەژی گوتنێیە ئەڤ چەندە پشتی چەندین کومبون و بزاڤێن سەرپەرشتیا کومەلگەھا دەروازەیێ نیڤدەولەتییا ئیبراھیم خەلیل و لایەنێن پەیوەندیدارێن حکومەتا ھەرێمی کوردستانێ دگەل لایەنێن پەیوەندیدار یێن تورکیایێ ب خوشحالیڤە ئەڤرو گەھشتە ئەنجام کو لایەنێ تورکیاژی بو ڤێ مەرەمێ دگەل مەدا ھەڤکاری دەربری.
کامی کەمال گوتەبێژێ کومەلگەھا دەروازەیێ نیڤدەولەتی ئیبراھیم خەلیل
کۆمێنت (0)
تا ئێستا هیچ کۆمێنتێک نەکراوە.