پرۆسەی قیرتاوكردنی قۆناغی یەكەمی شەقامی سەدمەتریی سلێمانی، كە بە شاڕێی بابان ناسراوە، دەستی پێ كرد؛ شارەوانیی سلێمانییش ڕایدەگەیەنێت "پرۆسەكە بەردەوامیی دەبێت."
فه‌رمانگه‌ی میدیا و زانیاری حكومه‌تی هه‌رێمی كوردستان بڵاویكرده‌وه، ئه‌مڕۆ دووشەممە، 14ـى ئابی 2023، پرۆسەی قیرتاوكردنی شەقامی 100 مەتری دەستی پێ كرد و چاوەڕێ دەكرێت لە ماوەیەكی كەمدا پرۆسەكە بەكۆتا بگات.
سەرۆكایەتیی شارەوانیی سلێمانی رایده‌گه‌ێنێت، چینی یەكەمی قیركردنەكە لە دوای یەكتربڕی ژمارە 11ـەوە دەست پێ دەكات و لە ڕۆژانی داهاتوودا پرۆسەكە بەردەوامیی دەبێت، لە پێناو ئەوەی شەقامەكە بە زوویی تەواو بكرێت.
درێژیی قۆناغی یەكەمی شەقامی 100 مەتری 32 كیلۆمەترە و لە تاسڵووجەوە دەست پێ دەكات تا گوندی دەمركان، وەكوو هەنگاوی یەكەمی پرۆسەی قیرتاوكردنیش، هەردوو سایدی شەقامەكە بە درێژیی 10 كیلۆمەتر قیر دەكرێن، لە سەرجەم بەشەكانی تری شەقامەكەشدا كاركردن بەردەوامە بۆ تەواوكردنی یەكتربڕ و پرد و ڕاستەشەقامەكان.
حكومه‌تی هه‌رێم: قیرتاوكردنی شەقامی 100 مەتریی سلێمانی دەستی پێ کرد
100%
کۆمێنت (0)
تا ئێستا هیچ کۆمێنتێک نەکراوە.