Erbil 15°C ھەینی 29 ئازار 14:40

كه‌شناسی هه‌واڵێكی ناخۆشی ڕاگه‌یاند.. شه‌پۆڵێكی تری گه‌رما به‌ڕێوه‌یه‌

کوردستان TV
100%

ده‌سته‌ی كه‌شناسی عێراق ئه‌مڕۆ چوارشه‌م هه‌واڵێكی ناخۆشی سه‌باره‌ت به‌ گه‌ڕانه‌وه‌ی شه‌پۆڵێكی تری گه‌رما و به‌رزبوونه‌وه‌ی پله‌كانی گه‌رمی له‌ سه‌رجه‌م پارێزگاكانی عێراق ڕاگه‌یاند.

ده‌سته‌ی كه‌شناسی عێراق سه‌باره‌ت به‌ ڕه‌وشی كه‌شوهه‌وای سبه‌ی پێنجشه‌م ڕایگه‌یاند: ئاسمان له‌ ته‌واوی پارێزگاكانی عێراق ساماڵ ده‌بێت، به‌ڵام پله‌كانی گه‌رما به‌رز ده‌بنه‌وه‌ به‌تایبه‌تیش له‌ پارێزگاكانی هه‌رێمی كوردستان و ناوه‌ڕاستی عێراق.

بۆ دووسبه‌ی هه‌ینیش، ده‌سته‌كه‌ ڕایگه‌یاند: ئاسمان به‌هه‌مانشێوه‌ ساماڵ ده‌بێت، پله‌كانی گه‌رمیش وه‌ك ڕۆژی پێشووتر له‌ به‌رزیدا ده‌مێنێته‌وه‌.

هه‌روه‌ها بۆ ڕۆژانی شه‌موو و یه‌كشه‌میش ئاماژه‌ی به‌وه‌دا كه‌ ته‌واوی پارێزگاكانی عێراق ساماڵ ده‌بێت له‌گه‌ڵ بوونی تۆزێكی سووك به‌تایبه‌ت له‌ ناوچه‌كانی ناوه‌ڕاست و باشووری عێراق، پله‌ی گه‌رمیش هه‌روه‌ك خۆی به‌ به‌رزی ده‌مێنێته‌وه‌.

هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.