Erbil 15°C پێنجشەممە 28 ئازار 18:37

500 ساڵه‌ ئه‌وروپا هاوشێوه‌ی ئه‌مساڵ وشكه‌ساڵی نه‌بووه‌

کوردستان TV
100%

پسپۆڕانی كۆمیسیۆنی ئه‌وروپا ڕایانگه‌یاند،‌ ئه‌م وشكه‌ساڵییه‌ی ئه‌مساڵ كه‌ زۆربه‌ی وڵاتانی ئه‌وروپای گرتۆته‌وه‌ 500 ساڵه‌ هاوشێوه‌ی نه‌بووه‌.

ئه‌ندریا تۆرێتی سه‌رۆكی توێژه‌رانی ئه‌نجوومه‌نی توێژینه‌وه‌كان سه‌ر به‌ كۆمیسیۆنی ئه‌وروپا ڕایگه‌یاند: وشكه‌ساڵی ئه‌مساڵ به‌ خراپترین وشكه‌ساڵی داده‌نرێ له‌ ماوه‌ی 500 ساڵی ڕابردوودا، هۆكاره‌كه‌شی به‌رزبوونه‌وه‌ی پله‌كانی گه‌رما و كه‌مبوونه‌وه‌ی ڕێژه‌ی بارانبارینه‌‌.

ڕاشیگه‌یاند: وشكه‌ساڵی ئه‌مساڵ له‌ وشكه‌ساڵی 2018 خراپتره‌ كه‌ ئه‌و كات زۆربه‌ی وڵاتانی ناوه‌ڕاست و باكوری ئه‌وروپای گرتبووه‌وه‌ و ڕێژه‌ی به‌رهه‌می كشتوكاڵی به‌ ڕێژه‌ی 50% كه‌مببووه‌وه‌.

هه‌روه‌ها ڕایگه‌یاند: ئه‌مساڵ دۆخه‌كه‌ ته‌واو جیاوازه‌ و هه‌موو ئه‌وروپا دووچاری گه‌رمییه‌كی ڕاده‌به‌ده‌ر بووه‌ته‌وه‌ و وشكه‌ساڵییه‌كی زۆر ڕووی له‌ كیشوه‌ری ئه‌وروپا به‌شێوه‌یه‌كی گشتی كردووه‌ كه‌ كاریگه‌ری زۆر خراپ له‌سه‌ر ڕێژه‌ی به‌رهه‌می كشتوكاڵی و وزه‌ و ئاوی خواردنه‌وه‌ و ژیان به‌شێوه‌یه‌كی گشتی به‌جێ ده‌هێڵێ.

به‌گوێره‌ی نوێترین داتاكانی ڕوانگه‌ی ئه‌وروپی بۆ وشكه‌ساڵی (EDO) ده‌ركه‌وتووه‌ كه‌ ڕێژه‌ی 45%ی خاكی كشتوكاڵی ئه‌وروپا له‌ژێر هه‌ڕه‌شه‌ی مه‌ترسیدایه‌ به‌هۆی وشكه‌ساڵی و به‌رزبوونه‌وه‌ی پله‌كانی گه‌رما.

هه‌مه‌ره‌نگ

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.