Erbil 42°C شەممە 13 ئاب 12:24

له‌ هه‌ولێر ئۆتۆمبێلێك خۆی ده‌كێشێت به‌نێو كۆمه‌ڵێك هاووڵاتی.. كه‌سێك گیانی له‌ده‌ستداوه‌

کوردستان TV
100%

به‌ڕێوه‌به‌رایه‌تی پۆلیسی پارێزگای هه‌ولێر ڕایگه‌یاند، به‌ره‌به‌یانی ئه‌مڕۆ هه‌ینی له‌ شه‌قامی 100 مه‌تری ئۆتۆمبێلێك خۆی ده‌كێشێت به‌نێو‌ كۆمه‌ڵێك هاووڵاتی و به‌هۆیه‌وه‌ كه‌سێك كه‌ پله‌ی سه‌ربازی ئه‌فسه‌ره‌ گیان له‌ده‌ست ده‌دات و سێی تریش به‌ سه‌ختی بریندار ده‌بن.

پۆلیسی هه‌ولێر ڕایگه‌یاند: ئه‌مڕۆ هه‌ینی کاتژمێر (4)ی بەرەبەیان بەڕێوەبەرایەتی پۆلیسی پارێزگای هەولێر ئاگادارکرایەوە بە بوونی ڕووداوێکی شێلان لە شەقامی (100) مەتری نزیک پاسپۆرت.

ڕاشیگه‌یاند: دەستبەجێ هێزەکانمان گەیشتنە شوێنی ڕووداوه‌كه‌ و دەرکەوت کەوا ئۆتۆمبێلێک لە جۆری (هۆندا ڤۆلستەر) بە خێراییەکی زۆر خۆی كێشاوه بە کۆمەڵێك هاووڵاتی ‌.

هه‌روه‌ها ڕایگه‌یاند: ڕووداوه‌كه‌ بووه‌ته‌ هۆی گیانلەدەستدانی ئەفسەرێك بە ناوی (ملازم دیانا محه‌مه‌د فه‌رج) كه‌ لە شاری به‌غدا ئەرک دەبینن.

به‌ڕێوه‌به‌رایه‌تی پۆلیسی پارێزگای هه‌ولێر ئاماژه‌ی به‌وه‌ش دا: له‌ ڕووداوه‌كه‌دا هه‌روه‌ها سێ كه‌سی تریش بە ناوه‌كانی (را‌سل که‌مال عه‌بدولڕحمان) (نووڕ محه‌مه‌د فه‌ره‌ج) و (ملازم ئه‌فنان ئیبراهیم تاهیر) زامداربوونه‌ كه‌ ئه‌وه‌ی دواییان ئەفسەره‌ و ئێستا باری تەندروستی ناجێگیرە.

جه‌ختیشی كرده‌وه‌ كه‌ پەڕاوی لێکۆڵینەوە بۆ ڕووداوەکە ڕێک خراوه‌ و شۆفێری ئۆتۆمبێلەکە بە ناوی (ز. م. ج.) بەپێی ماددەی (24)ی هاتوچۆ ڕاگیراوە و دەست بەسەر ئۆتۆمبێلەکەش گیراوه‌.

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.