Erbil 34°C یەکشەممە 26 حوزەیران 13:36

والی ئه‌نباری داعش كوژرا

کوردستان TV
100%

ئاژانسی هه‌واڵگری عێراق ئه‌مڕۆ یه‌كشه‌م له‌ ئۆپه‌ڕاسیۆنێكدا كوشتنی والی ئه‌نباڕ و سێ هاوه‌ڵی تری له‌ بیابانه‌كانی پارێزگاری ئه‌نباڕ ڕاگه‌یاند.

ئاژانسه‌كه‌ له‌ به‌یاننامه‌یه‌كدا ڕایگه‌یاند: ئه‌مڕۆ یه‌كشه‌م دوای چاودێریكردنی وردی جووله‌ی ئۆتۆمبێله‌كانی، له‌ بۆسه‌یه‌كدا توانرا ئه‌بوو مه‌نسووڕ والی ئه‌نباڕی چه‌كدارانی داعش له‌گه‌ل سێ هاوه‌ڵی تری بكرێنه‌ ئامانج و بكوژرێن.

ئه‌بوو مه‌نسووڕ كه‌ پێشتر چه‌ندان پۆستی تری له‌لایه‌ن داعشه‌وه‌ پێدرابوو، تۆمه‌تبار بوو به‌ كوشتنی ده‌یان هاووڵاتی له‌ ناوچه‌ی ڕوتبه‌ و ڕێگه‌ی نێوده‌وڵه‌تی و هه‌میشه‌ش له‌ ڕێگه‌ی سنووری عێراق و سووریا بۆ كاری تیرۆریستی خه‌ریكی هاموشۆ بووه‌.

ئاژانسی هه‌واڵگری كه‌ سه‌ر به‌ وه‌زاره‌تی ناوخۆی عێراقه، كوشتنی ئه‌بوو مه‌نسووڕ والی ئه‌نباڕی به‌ ده‌ستكه‌وتێكی گه‌وره‌ و له‌ناوبردنی یه‌كێك له‌ تیرۆریسته‌ مه‌ترسیداره‌كانی داعش وه‌سف كرد و جه‌ختیشی كرده‌وه‌ كه‌ له‌ هه‌وڵه‌كانیان بۆ له‌ناوبردنی چه‌كدارانی داعش به‌رده‌وام ده‌بن.

رۆژهه‌ڵاتی ناوه‌راست عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.