بەڕێوەبەرایەتی نەهێشتنی ماددە هۆشبەرەکان ئاماری کار و چاڵاکییەکانی ساڵی ڕابردووی خستەڕوو و ڕایگەیاند، نزیکەی 400 کیلۆ ماددەی هۆشبەر دەستی بەسەردا گیراوە، هەروەها 1943 کەس بەتۆمەتی بازرگانیکردن و بەکارهێنانی ماددە هۆشبەرەکان دەستگیر کراون.
بەڕێوەبەرایەتی گشتیی نەهێشتنی ماددە هۆشبەرەکانی هەرێمی کوردستان ئەمڕۆ شەممە ئاماری کار و چاڵاکییەکانی 2021ـی بڵاوکردەوە و تێیدا هاتووە "1943 کەس بەتۆمەتی بازرگانیکردن و بەکارهێنانی ماددەی هۆشبەر دەستگیر کراون، هەروەها دەستبەسەرداگرتنی 374 کیلۆ و 729 گرام ماددەی هۆشبەر دەستی بەسەردا گیراوە، لەگەڵ دەستبەسەرداگرتنی 47 هەزار و 378 شیت حەبی پزیشکی هۆشبەر".
دەقی ڕاگەیەنراوەکەی بەڕێوەبەرایەتی گشتیی نەهێشتنی ماددە هۆشبەرەکان:-
ئاماری کار و چالاکییەکانی ساڵی 2021 بەڕێوەبەرایەتی گشتیی نەهێشتنی ماددە هۆشبەرکان
*دەستگیرکردنی ( 1943 ) تۆمەتبار
1ـ ئەو تاوانبارانەی پەڕاوی لێکۆڵینەوەیان لە دادگە یەکلابۆتەوە و سزادراون ( 863 ) تاوانبارن.
2ـ ئەو تۆمەتبارانەی بە دەستەبەر ئازادکراون و پەڕاوی لێکۆڵینەوەیان لە دادگه بەردەوامە ( 194 ) تۆمەتبارن.
3ـ ئەو تۆمەتبارانەی لەدادگه ئازاد کراون لەبەر کەمی بەڵگەی تاوان لەدژیان( 33 ) تۆمەتبارن.
4ـ ئەو تۆمەتبارانەی بەفەرمانی دادگه سنوور بەدەر کراون ( 61 ) تۆمەتبارن.
*دەستبەسەرداگرتنی بڕی 374 کیلۆ و 729 گرام ماددەی هۆشبەر بەم شێوەیەی خوارەوە:-
1ـ بڕی 172 کیلۆ و 778 گرام ( هێروین ).
2ـ بڕی 83 کیلۆ و 786 گرام ( تلیاك ).
3ـ بڕی 96 کیلۆ و 141 گرام ( کریستاڵ ).
4ـ بڕی 14 کیلۆ و 562 گرام ( حەشیش )
5ـ بڕی 4 کیلۆ و 438 گرام ( جامایکا )
6ـ بڕی 3 کیلۆ و 24 گرام (ماریجوانا )
*دەستبەسەداگرتنی بڕی 562 کیلۆ 500 گرام توتنی هیندی تۆباکۆ تێکەڵکرا و بە حەشیش
*دەستبەسەرداگرتنی بڕی 47 هەزار و 378 شیت حەبی پزیشکی هۆشبەر
1ـ بڕی 1340 شیت حەبی هۆشبەری ( کلۆنازپام )
2ـ بڕی 30 هەزار و 810 شیت حەبی هۆشبەری ( ترامادۆڵ )
3ـ بڕی ( 42 ) شیت حەبی هۆشبەری ( B2 )
4ـ بڕی ( 152 ) شیت حەبی هۆشبەری ( میتادۆن)
5ـ بڕی 12 هەزار و 867 شیت حەبی هۆشبەری ( سۆمەدریل )
6ـ بڕی 21 شیت حەبی هۆشبەری( تریڤین )
7ـ بڕی ( 11 ) شیت حەبی هۆشبەری ( دیازپام )
8ـ بڕی ( 135 ) شیت حەبی هۆشبەری ( x )
9ـ بڕی ( 172 ) شیت حەبی هۆشبەری جۆراو جۆر
*دەستبەسەداگرتنی بڕی 21 مليۆن و 985 هەزار دیناری ساختەی عێراقی
*دەستبەسەداگرتنی بڕی 44 هەزار 100 دۆلاری ئەمریکی ساختە
*دەستبەسەداگرتنی بڕی ( 700 ) یۆرۆی ساختە
کۆمێنت (0)
تا ئێستا هیچ کۆمێنتێک نەکراوە.