Erbil 23°C شەممە 28 ئایار 00:52

نێچیرڤان بارزانى پیرۆزبایى له‌ کاکه‌ییان ده‌کات

کوردستان TV
100%

 

سەرۆکی هەرێمی کوردستان بە بۆنەی هاتنەوەی جەژنی قەولتاس پیرۆزبایی لە کاکەییان دەکات و جەخت لە پاراستنی مافەکانییان دەکاتەوە. 

نێچیرڤان بارزانی سەرۆکی هەرێمی کوردستان ئەمڕۆ دووشەممە بەبۆنەی هاتنەوەی جەژنی قەولتاس لە پەیامێکدا پیرۆزبایی ئاراستەی کاکەییان کرد و جەختی لە مانەوەی کوردستان بەسەرزەمینی پێکەوەیی، تەبایی، لێبوردەیی و یەکترقەبووڵکردن کردەوە. 

دەقی پەیامی سەرۆکی هەرێمی کوردستان:-

هاتنه‌وه‌ى جه‌ژنى قه‌ولتاس له‌ هه‌موو خوشک و برايانى كاكه‌يى له‌ كوردستان و عێراق و له‌ ده‌ره‌وه‌ى وڵات به‌ گه‌رمى پيرۆز ده‌كه‌م، هيوادارم جه‌ژنێكى ئارام و ئاسووده‌ به‌ سه‌ر به‌رن و جه‌ژنى خێر و خۆشى بێت.

له‌م جه‌ژنه‌دا جه‌خت له‌ پاراستنى مافه‌كانى خوشک و برايانى ئازيزى كاكه‌ييمان و ته‌واوى پێكهاته‌كان و مانه‌وه‌ى كوردستان به‌ سه‌رزه‌مينى پێكه‌وه‌يى، ته‌بايى، لێبورده‌يى، فره‌يى و يه‌كترقبووڵكردن ده‌كه‌ينه‌وه‌.

جه‌ژنى قه‌ولتاس له‌ هه‌مووان پيرۆز بێت، هه‌موو ساڵێك به‌ خۆشى.

نێچيرڤان بارزانى

سه‌رۆكى هه‌رێمى كوردستان

2022/1/17

 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.