Erbil 15°C ھەینی 29 ئازار 16:42

حکوومه‌تی هه‌رێمی کوردستان جه‌خت ده‌کاته‌وه‌: نه‌وتی سپی به‌ 55 هه‌زار دابه‌ش ده‌کرێ

کوردستان TV
100%

 

حكوومه‌تی هه‌رێمی كوردستان جه‌ختی كرده‌وه‌ كه‌ گرێبه‌ستی دابینكردنی نه‌وتی سپی بۆ دابه‌شكردنی به‌سه‌ر هاووڵاتییان كردووه‌ و نرخه‌كه‌شی بۆ هاووڵاتییان‌ 55 هه‌زار دیناره‌.

فه‌رمانگه‌ی میدیا و زانیاری حكوومه‌تی هه‌رێمی كوردستان بڵاوی كرده‌وه‌: حکوومەتی هەرێمی کوردستان گرێبەستی بۆ دابینکردنی 100 ملیۆن لیتر نەوتی سپی بە بەرزترین کوالێتی کردووە.

ڕاشیگه‌یاند: هەر خێزانێک 200 لیتر نەوتی سپی وه‌رده‌گرێ و نرخه‌كه‌شی 55,000 دیناره‌.

حكوومه‌تی هه‌رێم ئاشكراشی كرد كه‌ به‌رده‌وامه‌ له‌ دابه‌شكردنی نه‌وت به‌سه‌ر سه‌رجه‌م هاووڵاتییان و تاكو ئێستاش نزیکەی 63 ملیۆن لیتری دابین كردووه‌‌، جه‌ختیشی كرده‌وه‌ كه‌ ئێستا پرۆسه‌ی دابه‌شكردنه‌كه‌ له‌ سنووری هه‌رسێ پارێزگای هه‌ولێر و سلێمانی و دهۆك به‌رده‌وامه.

حكوومه‌تی هه‌رێم هه‌روه‌ها ورده‌كاریی دابینكردن و دابه‌شكردنی نه‌وتی سپی به‌سه‌ر هاووڵاتییان به‌م شێوه‌یه‌ی خواره‌وه‌ بڵاو كرده‌وه‌‌:

پارێزگای هه‌ولێر

پارێزگای هه‌ولێر پێویستیی به‌ (92,345,400) لیتر هه‌یه،‌ به‌ڵام تا ڕێکەوتی 6ی کانوونی دووەمی 2022 بڕی (25,714,819) لیتر دابین کراوە و له‌و بڕه‌ش (23,690,800) لیتر به‌سه‌ر ناوچه‌ شاخاوییه‌كانی (چۆمان، ڕواندوز، سۆران، مێرگه‌سۆر، شه‌قڵاوه‌، كۆیە) دابه‌شكراوه‌ و هه‌روه‌ها بڕی (1,534,600) لیتر به‌سه‌ر ده‌ورووبه‌ر (واتە خه‌بات و بنه‌سڵاوه‌) دابه‌ش كراوه‌ و ( 67,120,000) لیتر ماوه‌ كه‌ پێویسته‌ دابین بكرێت.

پارێزگای سلێمانی و ھەڵەبجە

پارێزگای سلێمانی پێویستیی به‌ (91,749,000) لیتر هه‌یه‌، تاكو 6ی کانوونی دووەمی 2022، بڕی‌ (17,172,985) لیتر دابینکراوە و له‌و بڕه‌ش (8,044,000) لیتر به‌سه‌ر ناوچه‌ شاخاوییه‌كانی پێنجوێن، قه‌ڵادزێ، هێرۆ، هه‌ڵشۆ، شارباژێڕ، قه‌ره‌داغ و دوكان دابه‌ش كراوه و ‌( 6,826,000) لیتر له‌ سه‌نته‌ری شار دابه‌شكراوه‌ و (1,852,000) لیتر له‌ ناوچه‌ شاخاوییه‌كانی هه‌ڵه‌بجەش‌ دابه‌شکراوه‌ .

پارێزگای دهۆك

بڕی پێویست بۆ پارێزگای دهۆک بریتییه‌ له‌ (53,829,600) لیتر، تاکو 6ی کانوونی دووەمی 2022، بڕی (18,585,000) لیتر دابیکراوە و له‌و بڕه‌ش‌ (13,378,400) له‌ ناوچه‌ شاخاوییه‌كانی ئامێدی، زاخۆ، ئاكرێ، دهۆك و شێخان دابه‌ش كراوه‌ و له‌ ده‌ورووبه‌ریش واتە (ئاكرێ، سێمێل، به‌رده‌ڕه‌ش و شێخان) بڕی (6,554,200) لیتر دابه‌ش كراوه‌، هه‌روه‌ها بڕی (35,405,000) لیتر ماوه‌ دابین بكرێت.
 

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.