لە بەیاننامەیەکدا دکتۆر بەشیر خەلیل حەداد جێگری سەرۆکی ئەنجومەنی نوێنەرانی عێراق، سەرکۆنەی ئەو هێرشە ترسنۆکانەی کرد کە لەلایەن تیرۆرستانەوە بەشێوەیەکی بەردەوام دەکرێنە سەر هەولێری پایتەختی هەرێمی کوردستان و راشیگەیاند بەردەوامی ئەو هێرشانە دەبێتە هۆی دروستبوونی ناسەقامگیری لە تەواوی وڵات و بەزاندنی سەروەری نیشتمانی.
جێگری سەرۆکی ئەنجومەنی نوێنەرانی عێراق رایگەیاند:'' دەبێت حکومەتی فیدراڵی پەیگیری جدی بکات لە بەرامبەر رووداوی هێرشە بەردەوامەکانی سەر هەولێر و هاوکاری زیاتریش هەبێت لە نێوان حکومەتی هەرێمی کوردستان و حکومەتی فیدراڵ بۆ کۆتاییهێان بە هەڕەشە ئەمنییەکان، و ئەو لایەنانەش کە لە پشت ئەو کارەوەن ئاشکرا بکرێن و لێپرسینەوە لەگەڵ تەواوی ئەو کەسانە بکرێت لە ئاسمان و زەوییەوە هێرش دەکەنە سەر هەرێمی کوردستان و سنوورێکیش بۆ کۆتاییهێنانی هێرشە تیرۆرستییەکان دابنرێت.''
نووسینگەی راگەیاندنی جێگری سەرۆکی ئەنجومەنی نوێنەرانی عێراق
یەکشەممە ١٢ی ئەیلولی ٢٠٢١
کۆمێنت (0)
تا ئێستا هیچ کۆمێنتێک نەکراوە.