پەرلەمانتارێکی کورد لە ئەنجوومەنی نوێنەرانی عێراق دەڵێت زۆرینەی کارەکانی ئامادەکردن و پەسندکردنی پڕۆژە یاسای بودجە لە ئەنجوومەنی نوێنەرانی عێراق تەواو بووە و ھۆکاری درەنگکەوتنی ناردنیشی بۆ ئەوە دەگەڕێتەوە کە هەوڵێک هەیە بۆ کەمکردنەوەی کورتھێنانی بودجە.
ڤیان سەبری، سەرۆکی فراکسیۆنی پارتی دیموکراتی کوردستان لە ئەنجوومەنی نوێنەرانی عێراق ڕایگەیاند: ئێستا پڕۆژە یاسای بودجەی عێراق لە ئەنجوومەنی وەزیرانی عێراقە و له‌سه‌دا حه‌فتای کارەکانی تەواو بووە.
سەبری گوتیشی: بە ھۆی بەرزبوونەوەی نرخی نەوت و بەرزبوونەوەی نرخی دۆلار ئامادەکارییەکان درەنگ کەوتوون و دەویسترێت بەو ھۆیەوە بڕی کورتھێنانی بودجەی دووهه‌زار و بیست و یه‌كی عێراق کەم بکرێتەوە.
ئەو پەرلەمانتارە ئاشکراشیکرد، بەھۆی ئەوەی عێراق نەوت بە دۆلار دەفرۆشێت و مووچە بە دینار دابەش دەکات، ویستێک ھەیە نرخی سه‌د دۆلار بگەیەندرێتە سه‌د و سی ھەزار دینار، کە ئەوەش ڕێگەیەکی دی دەبێت بۆ کەمکردنەوەی کورتھێنانی بودجەی ساڵی داھاتوو کە سوودی زۆری بۆ مووچەخۆرانی عێراق و ھەرێمی کوردستانیش دەبێت بەتایبەت کە ھەردوولا لە ڕێککەوتن نزیک بوونەتەوە.
کۆمێنت (0)
تا ئێستا هیچ کۆمێنتێک نەکراوە.