نرخی نه‌وت دابه‌زی.. به‌ڵام هه‌ر له‌ سه‌رووی 84 دۆلار مایه‌وه‌

 

سه‌رله‌به‌یانی ئه‌مڕۆ هه‌ینی نرخی نه‌وت له‌ بازاڕه‌كانی جیهان كه‌مێك دابه‌زینی به‌خۆیه‌وه‌ بینی، به‌ڵام نرخه‌كه‌ی هه‌ر له‌ سه‌رووی 84 دۆلار مایه‌وه‌.

نرخی هه‌ر به‌رمیلێك نه‌وت له‌گه‌ڵ كرانه‌وه‌ی بازاڕه‌كانی جیهان 6 سه‌نت دابه‌زی و ئێستا به‌ 84.41 دۆلار مامه‌ڵه‌ی پێوه‌ ده‌كرێ.

به‌هه‌مانشێوه‌ نرخی نه‌وتی خاوی تێكساسی ئه‌مه‌ریكیش دابه‌زی، دابه‌زینی ئه‌م جۆره‌ نه‌وته‌ كه‌مێك زیاتر بوو كه‌ 21 سه‌نت بووه‌ و ئێستا نرخه‌كه‌ی 81.91 دۆلاره‌ بۆ هه‌ر به‌رمیلێك.

به‌رزبوونه‌وه‌ی نرخی نه‌وت بۆ ماوه‌ی 4 هه‌فته‌ له‌سه‌ریه‌ك به‌شێكی په‌یوه‌ندی به‌ ئاڵۆزییه‌كانی دۆخی لیبیا و خۆپیشاندانه‌كانی كازاخستانه‌وه‌ هه‌یه‌، ئه‌مه‌ جگه‌ له‌ كه‌مبوونه‌وه‌ی ڕێژه‌ی نه‌وتی حه‌مباركراو له‌ ئه‌مه‌ریكا بۆ كه‌مترین ئاست له‌ ساڵی 2018وه‌.