له‌ به‌غدا ڕووبه‌ڕووبوونه‌وه‌ی له‌نێوان داعش و حه‌شدی شه‌عبی ڕوویداوه‌

 

ئه‌مشه‌و پێنجشه‌م ڕووبه‌ڕووبوونه‌وه‌ و شه‌ڕ له‌نێوان چه‌كدارانی تیرۆریستی داعش و هێزێكی حه‌شدی شه‌عبی له‌ باكوری شاری به‌غدا ڕوویداوه‌.

ڕاگه‌یاندنی حه‌شدی شه‌عبی له‌ ڕاگه‌یه‌نراوێكدا بڵاوی كرده‌وه‌: هێزێكی تیپی تارمییه‌ی حه‌شدی شه‌عبی ڕووبه‌ڕووی كۆمه‌ڵێك چه‌كداری داعش بوونه‌ته‌وه‌ له‌ ناوچه‌ی تاجی له‌ شارۆچكه‌ی تارمییه‌ له‌ باكوری شاری به‌غدا.

سه‌رچاوه‌كه‌ زانیاری زیاتری له‌باره‌ی ڕووبه‌ڕووبوونه‌وه‌كه‌ و زیانی گیانی و ماددی نێوان حه‌شدی شه‌عبی و چه‌كدارانی تیرۆریستی داعش ئاشكرا نه‌كردووه‌.