تاران.. ئاگركه‌وتنه‌وه‌ له‌ باڵه‌خانه‌یه‌ك قوربانی لێ كه‌وته‌وه‌

 

به‌هۆی ئاگركه‌وتنه‌وه‌ له‌ باڵه‌خانه‌یه‌كی تارانی پایته‌ختی ئێران 6 كه‌س بوونه‌ قوربانی.

موجته‌بی خالیدی گوته‌بێژی خزمه‌تگوزاری فریاكه‌وتن له‌ شاری تاران ڕایگه‌یاند: ئه‌مڕۆ دووشه‌م ئاگر له‌ باڵه‌خانه‌یه‌كی هاووڵاتییان له‌ شه‌قامی ته‌عاون له‌ ڕۆژئاوای شاری تاران كه‌وته‌وه‌.

ڕاشیگه‌یاند: ئاگره‌كه‌ دوای نیوه‌ڕۆی ئه‌مڕۆ له‌ باڵه‌خانه‌كه‌ سه‌ری هه‌ڵدا و ڕاسته‌وخۆ پیاوان و ئۆتۆمبێلی ئاگركوژێنه‌وه‌ گه‌یشتنه‌ شوێنی ڕووداوه‌كه‌ بۆ كۆنتڕۆڵكردنی ئاگره‌كه‌.

جه‌ختیشی كرده‌وه‌ كه‌ به‌هۆی ئاگره‌كه‌ چوار هاووڵاتی گیانیان له‌ده‌ستدا و هه‌روه‌ها 2 هاووڵاتی تریش به‌ سه‌ختی بریندار بوون.

گوته‌بێژی خزمه‌تگوزاری فریاكه‌وتنی شاری تاران ڕاشیگه‌یاند كه‌ یه‌كێك له‌و كه‌سانه‌ی گیانیان له‌ده‌ستدابوو له‌ نهۆمی چواره‌می باڵه‌خانه‌كه‌ خۆی فڕێدابووه خواره‌وه‌، سێیه‌كه‌ی تریش به‌هۆی دووكه‌ڵه‌وه‌ خنكابوون و گیانیان له‌ده‌ستدابوو.