تەنێکی نامۆ لە شێوەی کەروێشک لەسەر مانگ دەردەکەوێ

 

لەماوەی چەند هەفتەی ڕابردوودا تەنێکی نامۆ لەسەر مانگ وێنەی گیرابوو لەلایەن کەشتی یوتۆ 2 چینی، کە شێوەکەی هاوشێوەی کەروێشک بوو.

ئەستێرەناسان کە چاودێری کەشتی یوتۆ 2ـی چینی دەکەن ڕایانگەیاند: کەشتییەکە توانیوویەتی وێنەی تەنێک بگرێت لەسەر مانگ کە هاوشێوەی کەروێشکە.

زاناکان پێشبینی و لێكدانەوەی جۆراوجۆریان دەکرد بۆ تەنە نامۆکە، هەوڵێکی زۆر هەبوو بۆ ئەوەی بزانرێ ئەو تەنە نامۆیەی کە لەسەر مانگ دەرکەوتووە چییە و لە چی پێکهاتووە.

پاشان هەر لەلایەن کەشتیە چینییەکەوە توانرا لە نزیکەوەی چاودێری بکرێت و دەرکەوت کە تەنها بەردێکی بچووکە لە شێوەی کەروێشک دەردەکەوێت.