فڕۆكه‌ جه‌نگییه‌كانی عیراق 10 تیرۆریستی داعشیان كوشت

 

ئه‌مڕۆ سێشه‌م فڕۆكه‌ جه‌نگییه‌كانی عێراق به‌ هه‌ماهه‌نگی له‌گه‌ڵ هاوپه‌یمانی نێوده‌وڵه‌تی 10 تیرۆریستی دعشیان له‌ بیابانی ڕۆژئاوا له‌ پارێزگای ئه‌نبار كوشت.

شانه‌ی ڕاگه‌یاندنی ئه‌منی بۆ ئاژانسی ده‌نگوباسی عێراقی ڕاگه‌یاند: فڕۆكه‌ جه‌نگییه‌كانی عێراق به‌ هه‌ماهه‌نگی هێزی هاوپه‌یمانانی نێوده‌وڵه‌تی ئه‌مڕۆ سێشه‌م مۆڵگه‌یه‌كی تیرۆریستانی داعشیان له‌ بیابانه‌كانی ئه‌نبار بۆردومان كرد.

بۆردومانه‌كه‌ له‌لایه‌ن فڕۆكه‌ی جه‌نگی ئیف 16ی عێراق ئه‌نجامدرا‌.

ڕاشیگه‌یاند: له‌ بۆردومانه‌كه‌دا ڕاسته‌وخۆ 6 تیرۆریستی داعشیان كوشت، دوای بۆردومانه‌كه‌ش 4 تیرۆریستی تر ده‌ركه‌وتن و ئه‌وانیش له‌لایه‌ن هێزه‌كانی عێراق له‌سه‌رزه‌وی گه‌مارۆدران و له‌ناوبران.