تیرۆریستانی داعش له‌ دووبز هێرشیان كرده‌ سه‌ر سوپای عێراق

 

كه‌مێك پێش ئێستا تیرۆریستانی داعش له‌ شارۆچكه‌ی دووبز هێرشیان كرده‌ سه‌ر سوپای عێراق و كوژراو و بریندار هه‌یه‌.

هه‌ڵۆ جه‌باری په‌یامنێری (كوردستان تیڤی) ڕایگه‌یاند: کەمێک پێش ئێستا لە گوندی تویلعە سەر بە شارۆچکەی دووبز تیرۆرستانی داعش ھێرشیان کردە سەر سەنگەرەکانی سوپای عێراق.

ڕاشیگه‌یاند: له‌ ئه‌نجامی هێرشه‌كه‌دا دوو سەربازی سوپای عێراق کوژراون.

هه‌ر سه‌باره‌ت به‌ هێرشه‌كه‌، سەرچاوەیەک لە بنکەی پۆلیسی دووبز بۆ (کوردستان تیڤی) رایگەیاند: ئه‌مشه‌و چه‌ته‌كانی داعش ھێرشیان كرده‌ سەر فوجی 3ی لیوای 31ی سەر بە فرقەی 8ی سوپای عێراق.

هه‌روه‌ها ڕایگه‌یاند: له‌ هێرشه‌كه‌ی تیرۆریستانی داعش دوو سەرباز بریندار بوون، دوای گواستنه‌وه‌شیان بۆ نەخۆشخانەی دووبز، هه‌ردوو برینداره‌كه‌ گیانیان لەدەست دا.

جێی باسه‌ له‌ چه‌ند ڕۆژی ڕابردوودا تیرۆریستانی داعش له‌ كوله‌جۆ و بناری چیای قه‌ره‌چووغ و چه‌ند ناوچه‌یه‌كی تر هێرشێكیان كردبووه‌ سه‌ر سه‌نگه‌ره‌كانی هێزی پێشمه‌رگه‌ی كوردستان و به‌هۆیه‌وه‌ 22 پێشمه‌رگه‌ و 3 هاووڵاتی گونده‌كان شه‌هیدببوون.