سه‌رۆكی حكوومه‌ت داوا له‌ هاووڵاتییان ده‌كات ڤاكسین وه‌ربگرن

 

سه‌رۆكی حكوومه‌تی هه‌رێمی كوردستان ئه‌مڕۆ یه‌كشه‌م له‌ توێتێكدا داوای له‌ خه‌ڵكی كوردستان كرد ڕوو له‌ بنكه‌كانی ته‌ندروستی و وه‌رگرتنی ڤاكسین بكه‌ن بۆ ئه‌وه‌ی ڤاكسینی په‌تای كۆڕۆنا وه‌ربگرن.

مه‌سرور بارزانی سه‌رۆكی حكوومه‌تی هه‌رێمی كوردستان ڕایگه‌یاند "هانی خه‌ڵكی كوردستان ده‌ده‌م ڤاكسین وه‌ربگرن، بۆ ئه‌وه‌ی خۆیان و ئازیزانیان له‌ مه‌ترسی ڤایرۆسی كۆڕۆنا بپارێزن".

ڕاشیگه‌یاند "ئێستا نزیكه‌ی 200 بنكه‌ی وه‌رگرتنی ڤاكسین هه‌ن و له‌ ڕێگه‌ی لینكی تۆماركردن ناوی خۆتان تۆمار بكه‌ن بۆ وه‌رگرتنی ڤاكیسن".

سه‌رۆكی حكوومه‌تی هه‌رێمی كوردستان داواشی له‌ خه‌ڵك كرد به‌ وه‌رگرتنی ڤاكسین كوردستان له‌ په‌تای كۆڕۆنا بپارێزن.