هێزه‌ ئه‌منییه‌كانی ئێران كۆڵبه‌رێكی كورد ده‌كوژن

لە سنووری پارێزگای كرماشان  له‌كوردستانی ئێران کۆڵبەرێك بە تەقەی هێزه‌ ئه‌منییه‌كانی ئێران كوژرا.
رێكخراوی هه‌نگاو بۆ مافه‌كانی مرۆڤ بڵاویكرده‌وه‌: ڕووداوەكە ئێوارەی ڕۆژی هەینی بووە كە هێزەکانی سوپای ئێران لە سنووری پەروێزخانی قەسری شیرین تەقەیان لە ژمارەیەک کۆڵبەر کردووە و لە ئاکامی ئەو دەستڕێژەدا کۆڵبەرێک بە ناوی  حەبیب ڕوستەمی تەمەن 32 ساڵ کوژراوە.
ڕێكخراوەكە لە زاری سەرچاوەیەکی ئاگادارەوە راشیده‌گه‌ێنێت: هێزەکانی ئێران لە مەودایەکی نزیکەوە تەقەیان لە كۆڵبەرەكە كردووە و گولـلەیەک لە پشتی سەری دراوە.
 هه‌نگاو ئاماژه‌ بۆ ئه‌وه‌شده‌كات:  حەبیب ڕوستەمی کە باوکی دوو منداڵە خەڵکی گوندی "فەرمانشا" و دانیشتووی شاری قەسری شیرین بووە.