پارێزگارێ دهۆكێ پێشوازیا گول صالح یاسین خێزانا شه‌هید صدیق ره‌شید مه‌هیدى ده‌یكا چار شه‌هیدان كر


گرنیگدان ب خێزانێن شه‌هیدێن سه‌ربلندێن بزاڤا رزگارى خوازا كوردستانێ ئه‌ڤرو سپێدێ رۆژا سێشمه‌بى 30/11/2021  د.على ته‌ته‌ر پارێزگارێ دهۆكێ  پێشوازیا گول صالح یاسین خێزانا شه‌هید صدیق ره‌شید مه‌هیدى  ده‌یكا چار شه‌هیدان كر.
دهه‌ڤدیتنه‌كێدا به‌حسێ به‌رنامێن حكومه‌تا هه‌رێما كوردستانێ یێن ئاڤه‌دانكرنا ده‌ڤه‌رێ وگه‌هاندنا پرۆژێن خزمه‌تگوزارى یێن سه‌ره‌كى وه‌كو ئاڤ وكارب ورێك وبان وقوتابخانه‌ وهتد ...ژبو خوشكرنا ژین وژیارا هه‌موو هاولاتیان ب گشتى هاته‌ كرن. 
دته‌وه‌ركێ دن دا به‌حسێ ره‌وشا خێزانا ناڤبرى وپێدڤیێن وان ژرویێ ته‌ندورستى وئابوریڤه‌ هاته‌ كرن.
پارێزگارێ دهۆكێ بگه‌رمێ بخێرا هاتنا خێزانا شه‌هید صدیق ره‌شید كر و ته‌كه‌زكر كو شه‌هید وخێزانێن وان جهێ رێزێ وقه‌درگرتنێ نه‌ وهه‌ر چ یا دشیان دابیت دێ بو هێته‌ كرن ژبو هندێ ژین وژیارا خێزانێن وان بهێته‌ خوشكرن كو هه‌ست ب سه‌ر بلنداهیێ بكه‌ن وبه‌رهه‌ڤیا خو دیاركر بو هه‌ر هاریكاریه‌كێ بو خێزانا شه‌هیدێ ناڤبرى وسه‌ركه‌فتن بو وان و هه‌موو خێزانێن شه‌هیدێن كوردستانێ خواست.