پارێزگارێ دهۆكێ پێشانگه‌هه‌كا كارێن ده‌ستی یا سه‌نته‌رێ نه‌وا ڤه‌كر


ب هه‌لكه‌فتا رۆژا جیهانی یا به‌رهنگاربونا توند وتیژیێ دژی ئافره‌تان ئه‌ڤرو نیڤرو  25/11/2021 به‌رێز د.علی ته‌ته‌ر پارێزگارێ دهۆكێ وب ئاماده‌بونا رێڤه‌به‌رێ پولیسێن دهۆكێ ورێڤه‌به‌رێ چاكسازیا مه‌زنان سه‌را سه‌نته‌رێ نه‌وا یێ ئافره‌تان دا ژلایێ رێڤه‌به‌رێ گشتی یێ چاڤدێریا جڤاكی و ئه‌نجوومه‌نێ دهۆك یێ ئێكه‌تیا ئافره‌تێن كوردستانێ ورێڤه‌به‌ر وكارمه‌ندێن سه‌نته‌رێ نه‌وا پێشوازێ لێ هاته‌ كرن .
پاش پارێزگارێ دهۆكێ پێشانگه‌ها كارێن ده‌ستی یا ئافره‌تێن سه‌نته‌رێ نه‌وا ڤه‌كر وگه‌ریانه‌ك ل ناڤ وپشكێن ئاڤاهی كر وژنێزیك سه‌حكره‌ ره‌وشا ئافره‌تێن سه‌نته‌ری .
پارێزگارێ دهۆكێ ب هه‌لكه‌فتا رۆژا جیهانی یا به‌رهنگاربونا توند وتیژیێ دژی ئافره‌تان بو كه‌نالێن راگه‌هاندنێ ئاخفت وگوت: بومه‌ وه‌كو حكومه‌تا هه‌رێما كوردستانێ وپارێزگه‌ها دهۆكێ هه‌موو رۆژێن سالێ ئانكو هه‌ر (365) رۆژ رۆژێن به‌رهنگاربۆنا توند وتیژیێ نه‌ دژی ئافره‌تان ودڤێت رێزگرتن ل ژنێ بهێته‌ گرتن هه‌م ژلایێ جڤاكی و هه‌م ژی ژلایێ حكومه‌تێ ڤه‌ .
هه‌روه‌سا گوت: ئه‌م كاردكه‌ین یه‌كسانیێ دناڤبه‌را ژن ومێران دا په‌یداكه‌ین ئه‌م وه‌كو كارگێریا پارێزگه‌هێ پشته‌ڤانیێ ل هه‌موو مافێن ئافره‌تان دكه‌ین وداخازا سه‌ركه‌فتنێ بو دكه‌ین چونكو ئافره‌ت ده‌یكه‌ وخوشكه‌ هه‌ڤژینه‌  وئه‌و كه‌س وكارێن مه‌نه‌  هیڤی دارین دكوردستانا  ئازاد دا ئه‌وژی خوشی  وئارامیێ ببینن وهه‌موو مافێن وان بهێنه‌ ده‌سته‌به‌ركرن .. 
ئا- كامران