له‌ خولی یانه‌ پاڵه‌وانه‌كان مانچسته‌ر سیتی سه‌ركه‌وتنی به‌سه‌ر پاریس تۆماركرد


لە گەڕی پێنجەمی قۆناغی كۆمەڵەكانی چامپیۆنس لیگ و لە ڕووبەڕوو بوونەوەی لوتكەی گڕوپی یەكەمی خولەكەدا، یانەی مانچستەرسیتی بە دوو گۆڵ بەرامبەر بە گۆڵێك لە یانەی پاریس سانجێرمانی میوانی بردەوە.
 لە گێمی یەكەمدا، هەردوو تیپ بێ‌ گۆڵ یەكسان بوون، لە گێمی دووەم و لە خولەكی پەنجادا، كلیان مباپێی فەڕەنسی و ئەستێرەی لاوی پاریس سانجێرمان گۆڵێكی بۆ تیپەكەی تۆماركرد.
 پاشان یاریزان ڕەحیم ستێرلینگ گۆڵی بەرامبەری مان سیتی لە خولەكی شەستوسێ‌ بەدەستهێناو ئەنجامەكەی یەكسان كردەوە، دواتر گابریێل خیسوسی بەڕازیلی گۆڵی دووەم و بردنەوەی سیتیزێنزی لە خولەكی حەفتاوشەش بەدەستهێنا.
 بەم بردنەوەش كۆی خاڵەكانی مان سیتی لە پێشەنگی ڕیزبەندی گڕوپی یەكەم بۆ دوازدە خاڵ بەرزبووەوەو پاریس سانجێرمان بە هەشت خاڵ لە پلەی دووەم دێت، هەردوو تیپیش بە شێوەی پێشوەخت گەیشتنیان بۆ قۆناغی شازدە مسۆگەركردبوو .