ته‌ندروستی جیهانی داوا ده‌كات له‌ هه‌موو جیهان ڤاكسین بكرێته‌ ناچاری

 

ڕێکخراوی تەندروستیی جیهانی هۆشداری دەدات لە بەرزبوونەوەی ژمارەی گیان لەدەستدان بەهۆی ڤایرۆسی کۆڕۆناوە، ڕایدەگەینێت ئەگەر کاری بەپەلە و یەکلاکەرەوە نەکرێت بۆ چارەسەرکردنی پەتاکە، ئەوا ئەگەری مەترسی گەورە هەیە.

هانس کلۆگ بەڕێوەبەری ڕێکخراوی تەندروستیی جیهانی ڕایگەیاند: پابەندبوون بە ڕێنماییە تەندروستییەکان کە ئێستا لە 48% خەڵک پێیەوە پابەندنین، دەتوانێت هەزاران کەس لە مردن ڕزگار بکات.

هەروەها ئاماژە بەوە دەکات کە پێویستە لە دوای ژەمی دووەمی ڤاکسین، ژەمی سێیەم تەرخان بکرێت بۆ هاووڵاتییان و بەکارهێنانی چارەسەرە نوێیەکان بۆ مامەڵەکردن لەگەڵ ڤایرۆسەکە.

کلۆگ گوتیشی: بە پێویستی دەزانم گفتوگۆ بکرێت لەسەر پێدانی ڤاکسین بە ناچاری لەبارەی گرنگی و باسکردنی بیرۆکەی پابەندبوونی هاووڵاتییان لە ڕووی یاسایی و ئەخلاقییەوە بخرێتەڕوو کە لەم دواییانەدا نەمسا بە چارەسەرێکی گونجاوی پەسەند کرد.

بەڕێوەبەری ڕێکخراوی تەندروستی ڕوونیشی کردەوە، هۆکاری بەرزبوونەوەی تووشبووانی ڤایرۆسی کۆڕۆنا بەهۆی کەمتر پابەندبوونیانە بە ڕێنماییە تەندروستییەکان و بەکارنەهێنانی ڤاکسینیش هۆکارێکی دیکەیە.