پارێزگارێ دهۆکێ پێشوازی ل قارەمانێ ئاسیا حەجی رێکانی کر


ئەڤرۆ رۆژا ئێکشەمبی رێکەفتی 21ی چریا دووێ 2021ێ  “د.عەلی تەتەر” پارێزگارێ دهۆکێ پێشوازی ل قارەمانێ لەشجوانیێ ل سەر ئاستێ کیشوەرێ ئاسیا “حەجی رێکانی” کر.
دپەیڤەکێدا پارێزگارێ دهۆکێ پیرۆزباهی گەهاندنە قەهرەمانێ سەر ئاستێ کیشوەرێ ئاسیا کورێ پارێزگەها دهۆکێ “حەجی رێکانی” و راگەهاند: ئەم شانازیێ ب هەر تاکەکێ پارێزگەها دهوکێ دکەین کو دهەر بیاڤەکێ دا دەستکەفتەکی بۆ پارێزگەهێ و هەرێما کوردستانێ بدەستڤەدئینینت، بۆ ڤێ قەهرەمانیێ ئەم پیرۆزباهیێ لێ دکەین و پشتەڤانین بۆ هەر پێنگاڤەکێ.
قەهرەمانێ پارێزگەها دهۆکێ سۆپاسیا پارێزگارێ دهۆکێ کر و دۆپاتدکر کو پارێزگارێ دهۆکێ کەسەکێ وەرزشدوستە و بەردەوام پشتەڤانێ مە بوویە و سۆپاسیا پێشوازیا جەنابێ وان کر.