کارگەی دروستکردنی کربستۆن له‌ هەولێر بەکارخرا

دوای لەکارکەوتنی بۆماوەی 10 ساڵ و فەرامۆشکردنی کارگەکە

سەرۆکایەتی شارەوانی هەولێر ، لەسەر بنەمای گرینگیدان بە بەکارخستنی کارگەکانی خۆماڵی، کارگەی دروستکردنی کربستۆنی بەگەڕ خستەوە.

له‌وباره‌یه‌وه‌ سەرۆکایەتی شارەوانی هەولێر له‌ ڕاگه‌ێندراوێكدا ڕایگه‌یاند: دوای لەکارکەوتنی بۆماوەی 10 ساڵ و فەرامۆشکردنی کارگەکە، سەرۆکایەتی شارەوانی هەولێر کارگەی دروستکردنی کربستۆنی .. بیھارتون .. قەپاغ مەنھۆل ..و چەندین بەرھەمی تر نۆژەنکردەووە و بەکار خرایەوە.

ڕاشیگه‌یاند: کارگەکە بە سوود وەرگرتن لە بەرهەمی خۆماڵی و ئەندازیار و کرێکاری شارەوانی سەرەتا دەست کرا بە بەرهەمهێنانی زیاتر لە 300 کربستۆن لە رۆژێک کە بۆ پڕۆەکانی شاری هەولێر بەکاردەهێندرێن.

ئاماژه‌ی به‌وه‌شكردووه‌: کارگەکە جگە لە بەرهەمهێنانی کربستۆن توانای بەرهەمهێنانی چەندین پێداویستی دیکەشی هەیە لەوانە سەری چەپەرەکانی ئاو وەرگرتن و بیهارتۆن، و چەندین بابەتی دیکەش.

ڕاگەیاندنی سەرۆکایەتی شارەوانی هەولێر