ئه‌مشه‌و له‌ هه‌ولێر دوو كه‌س له‌سه‌ر پاڕككردنی ئۆتۆمبێل كوژران

 

پۆلیسی پارێزگای هه‌ولێر ئاشكرای كرد، ئه‌مشه‌و پێنجشه‌م له‌سه‌ر پاڕككردنی ئۆتۆمبێل دوو هاووڵاتی له‌ شاری هه‌ولێر كوژراون.

پۆلیسی پارێزگای هه‌ولێر له‌ ڕوونكردنه‌وه‌یه‌كدا ڕایگه‌یاند: ئەمشەو پێنجشه‌م هێزەکانی بەڕێوەبەرایەتی پۆلیسی پارێزگای هەولێر ئاگادار کرانەوە کە شەڕێک لە شەقامی 100 مەتری نزیک فڕۆکەخانە ڕوویداوە.

هه‌روه‌ها ڕایگه‌یاند: پۆلیسی هه‌ولێر دەستبەجێ گەیشتنە شوێنی مەبەست و دەرکەوت کە دوو هاووڵاتی بە ناوەکانی (ح. ج. م) و (و. ح. ا) لەسەر پارککردنی ئۆتۆمبێل لە گەراجی چێشتخانەیەک کوژراون.

پۆلیسی پارێزگای هه‌ولێر جه‌ختیشی كرده‌وه‌ كه‌ تیمەکانی پۆلیس ئێستا لە شوێنی ڕووداوه‌كه‌ن و لێکۆڵینەوەی ورد‌ ده‌كه‌ن و دواتریش زانیاریی زیاتر لەمبارەیەوە بڵاو دەکەنەوە.