هه‌ولێر .. رووداوێكی هاتووچۆ گیان له‌ ده‌ستدانی لێكه‌وته‌وه‌


له‌ رووداوێكی هاتووچۆدا  كه‌ له‌سه‌ر رێگای نێوان گوێر _ مه‌خمور له‌ نێوان دوو ئۆتۆمبێلدا روویدا گیان له‌ ده‌ستدانی لێكه‌وته‌وه‌.
فازڵ حاجی، گوته‌بێژی هاتوچۆی هه‌ولێر له‌ هه‌ژماری تایبه‌ت به‌ خۆی له‌ فه‌یسبوك بڵاویكردووه‌ته‌وه‌:  به‌یانی ئه‌مڕۆ پێنجشه‌ممه‌ 28 ى 10 ى 2021 ، لەسەر رێگای نێوان گوێڕو مەخمور کە رێگایەکی تاکسایدە، پێکدادانێکی رووبەڕوو ڕویدا لەنێوان ئۆپلێکی تایبەت و باپفایندەرێکی تایبەت روویدا.
راشیده‌گه‌ێنێت: لەدەرەنجامی رووداوەکەش شۆفێری ئۆپڵەکە گیانی لەدەستدا و ئەوی تریش بریندار بو، لە لێکۆڵینەوەش خودی شۆفێری ئۆپڵەکە بەهۆکار دانرا بۆ کەوتنەوەی رووداوەکە، چونکە بەهۆی تیژڕۆییەوە کۆنتڕۆڵی لەدەستدابو و رۆیشتبووه‌ سایدی بەرامبەر و خۆی بە ئۆتۆمبێلەکەی تر دا دابوو.