ئه‌مڕۆ هه‌ر شه‌ش منداڵه‌ جمكه‌كه‌ی هه‌ولێر گیانیان له‌ده‌ست دا

 

به‌ڕێوه‌به‌ری نه‌خۆشخانه‌ی منداڵان و له‌دایكبوونی شاری هه‌ولێر ئاشكرای كرد، له‌ دوای نیوه‌ڕۆی ئه‌مڕۆ چوارشه‌مه‌وه‌ ئه‌و شه‌ش منداڵه‌ جمكه‌ی كه‌ دوێنێ سێشه‌م له‌دایكبوون، گیانیان له‌ده‌ست دا.

دكتۆره‌ شادان شێروان حه‌یده‌ری به‌ڕێوه‌به‌ری نه‌خۆشخانه‌ی منداڵان و له‌دایكبوونی هه‌ولێر تایبه‌ت به‌ (كوردستان تیڤی) ڕاگه‌یاند: ئەو ئافرەتەی دوێنێ سێشه‌م بە سکێک شەش مناڵی ببوو، ئەمرۆ چوارشه‌م هەموو مناڵەکانی گیانیان لە دەست دا.

دكتۆره‌ شادان ڕاشیگه‌یاند: دوێنێ لە حالەتێکی دەگمەندا لە نەخۆشخانەی ئافرەتان و لەدایكبوونی فێركاری هەولێر، دایکێك بە سکێك 6 منداڵی بە شێوەیەکی سروشتی ببوو، منداڵەکانیش بە (24-25) ھەفتە لەدایکببوون و ڕەگەزی منداڵەکانیش (5) کور (1) کچ بوون.

به‌ڕێوه‌به‌ری نه‌خۆشخانه‌ی منداڵان و له‌دایكبوونی هه‌ولێر جه‌خیشی كرده‌وه‌ كه‌ لەبەر زوویی لەدایکبوون و کەمی کێشیان، به‌داخه‌وه‌ هه‌ر شه‌ش منداڵه‌كه‌ گیانیان لە دەست دا.

ڕاشیگه‌یاند: دووان له‌ جمكه‌كان كاتژمێر 4 گیانیان له‌ده‌ست دا، له‌ كاتژمێر 5ی ئێواره‌ 3 منداڵی تر گیانیان له‌ده‌ست دا، ئه‌مشه‌ویش شه‌شه‌م منداڵیان كه‌ تاكه‌ كچ بوو له‌نێویاندا به‌داخه‌وه‌ گیانی له‌ده‌ست دا.