تره‌مپ له‌ به‌رنامه‌یدایه‌ له‌ مانگی داهاتووه‌وه‌ تۆڕی‌ كۆمه‌ڵایه‌تیی خۆی بخاته‌ گه‌ڕ

دۆناڵد ترەمپ، سه‌رۆكی پێشووی ئه‌مریكا، رایگه‌یاند له‌ به‌رنامه‌یدایه‌ له‌ مانگی داهاتووه‌وه‌ ده‌ست بكات به‌ پلاتفۆرمی تۆڕی كۆمه‌ڵایه‌تیی خۆی "TRUTH Social".

دۆناڵد تره‌مپ نووسیوویه‌تی "له‌ جیهانێكدا ده‌ژین كه‌ خۆشه‌ویستترین سه‌رۆكی ئه‌مریكا بێده‌نگ ده‌كرێت، كه‌چی له‌ تویته‌ر تاڵیبان هه‌بوونی خۆی به‌ زه‌قی نیشان ده‌دات. ئه‌مه‌ قبوڵكراو نییه‌".

سه‌رۆكی پێشووی ئه‌مریكا، دۆناڵد ترەمپ ئاماژه‌ی به‌وه‌ دا كه‌ مانگی داهاتوو "TRUTH Social" به‌ڕووی بانگهێشتكراوه‌ هه‌ڵبژێردراوه‌كاندا ده‌كرێته‌وه‌ و به‌رنامه‌یشیان داناوه‌ بۆ ئه‌وه‌ی له‌ چاره‌كی یه‌كه‌می 2022 له‌ پلاتفۆرمه‌كه‌ له‌گه‌ڵ به‌كارهێنه‌ران به‌یه‌ك بگه‌ن.

یوتیوب و فه‌یسبوك كه‌ خاوه‌ن پلاتفۆرمه‌كانی تۆڕی كۆمه‌ڵایه‌تیی تویته‌ر و گۆگڵن به‌ پاساوی ئه‌وه‌ی هه‌ژماره‌كانی دۆناڵد تره‌مپ له‌ شەشی كانوونی دووه‌م رۆڵیان هه‌بووه‌ له‌ ده‌نگدانی كۆنگرێس و تۆمه‌تی ساخته‌كاری خستووه‌ته‌ پاڵ هه‌ڵبژاردنی سه‌رۆكایه‌تی ئه‌مریكا له‌ 2020، هه‌ژماره‌كانی دۆناڵد تره‌مپ-ی داخست.