فڕۆکەكانی تورکیا چیای بەربزین له‌ سیده‌كان بۆردومان دەکەن

بەھۆی ھەبوونی چەکدارانی پەکەکه،‌ فڕۆكه‌ جه‌نگییه‌كانی سوپای توركیا به‌ چڕی بۆردومانی چیای به‌ربزین له‌ سنووری ناحیه‌ی سیده‌كان ده‌كه‌ن.

مه‌هدی داود په‌یامنێری (كوردستان تیڤی) له‌ سیدەکان ڕایگه‌یاند: كه‌مێك به‌ر له‌  ئێستا فڕۆکە جەنگییەکانی تورکیا لوتکە چیای بەربزینیان بۆردومان كرد.

ڕاشیگه‌یاند: چه‌ند فڕۆكه‌یه‌كی دیكه‌ی جه‌نگی توركی به‌ نزمی به‌سه‌ر ئاسمانی شارۆچكه‌ی سیده‌كان و گوند و كوێستانه‌كانی ده‌ڤه‌ره‌كه‌ ده‌سوڕێنه‌وه‌، ئه‌مه‌ش ترس و نیگه‌رانی لای خه‌ڵكی ده‌ڤه‌ره‌كه‌ دروست كردووه‌.

گوتیشی: بۆردومانه‌كه‌ به‌رده‌وامه‌ و تا ئێستاش زیانه‌كانی نه‌زانراوه‌.