له‌ خولی ئیتاڵیادا میلان سه‌ركه‌وتنێكی زه‌حمه‌تی به‌سه‌ر ڤیرۆنا تۆماركرد


له‌ گه‌ری هه‌شته‌می خولی یانه‌كانی ئیتالیا یانه‌ی ئه‌ی سی میلان میوانداری یانه‌ی هیلاس ڤیرۆنای كردو زۆر به‌ زه‌حمه‌ت یاریه‌كه‌ی لێ برده‌وه‌.
ستادیۆمی سان سیرۆ شوێنی به‌یه‌ك گه‌یشتنی هه‌ردوو یانه‌كه‌ بوو ، له‌ گێمی یه‌كه‌م ئاستی میوانه‌كان زۆر باشتر بوو توانیان به‌ دوو گۆل پێشبكه‌ون ، له‌ خوله‌كی حه‌وت جیانلۆكا كابراری ڤیرۆنای به‌ گۆلێك پێشخست ، له‌ خوله‌كی بیستو چوار ناوبژیوان لێدانێكی سزای له‌ سوودی میوانه‌كان هه‌ژمار كردو یاریزان ئه‌نتۆنین باراك به‌سه‌ركه‌وتوویی جێبه‌جێی كردو ڤیرۆنای كرده‌ خاوه‌ن دوو گۆل .
 له‌ گێمی دووه‌م یانه‌ی میلان به‌مه‌به‌ستی گۆرینی ئه‌نجامه‌كه‌ هاته‌وه‌ ناو یاریگا له‌ خوله‌كی په‌نجاو نۆ ئۆلیڤه‌ر جیرۆ به‌ تۆمار كردنی گۆلێك جیاوازیه‌كه‌ی كه‌م كرده‌وه‌ ، ئینجا فرانك كسیس به‌ لێدانی سزا گۆلی دووه‌می بۆ خاوه‌ن مال له‌ خوله‌كی حه‌فتاو شه‌ش تۆمار كردو ئه‌نجامی یاریه‌كه‌ی یه‌كسان كرده‌وه‌ .
 دوو خوله‌ك دواتر سێرجی گۆنته‌ر به‌هه‌له‌ گۆلی سێیه‌می له‌ گۆله‌كه‌ی خۆیان و له‌سوودی میلان تۆمار كرد، به‌م سه‌ركه‌وتنه‌ش ئه‌ی سی میلان كۆی له‌ پله‌ی یه‌كه‌می ریزبه‌ندی بۆ بیستو دوو خال به‌رزكرده‌وه‌ یانه‌ی هیلاس ڤیرۆناش هه‌شت خالی هه‌یه‌و له‌ پله‌ی دوازده‌م دێت .