پارێزگاری هەولێر (58)مین ساڵیادی ئێزگەی دەنگی کوردستانی پیرۆز کرد

 

نیوەڕۆى ئەمرۆ سیشەم، بە بۆنەی (58)مین ساڵیادی دامەزراندنی ئێزگەی دەنگی کوردستان، ئومێد خۆشناو پارێزگاری هەولێرله‌گه‌ڵ چه‌ند به‌رپرسێكی تری شاری هه‌ولێر، سەردانى ئێزگەی دەنگی کوردستانى کرد و لەلایەن عەبدولڕەزاق عەلى به‌رێوه‌به‌ری ئێزگەی دەنگی کوردستان و ژمارەیەک لە کارمەندانی بە گەرمی پێشوازیان لێ کرا.

پارێزگاری هەولێر وێڕای گەیاندنی پەیامی پیرۆزبایی بە بۆنەی (58)مین ساڵیادی دامەزراندنی ئێزگەی دەنگی کوردستان، هیوای سەرکەوتن و بەردەوامی لە کارەکانیان بۆخواستن.

هەروەها ئاماژەی بەوەدا کە ئێزگەی دەنگی کوردستان بەوپەڕی هەستکردن بە بەرپرسیاریەتی و پرنسیپی کاری رۆژنامەوانی کوردستانیانە کاری کردووە و وەكو یەكەمین ئێزگەى كوردی شانبەشانی خەباتی پێشمەرگە قارەمانەکان ڕۆڵی گرینگ و کاریگەری هەبووە لە مێژووى بزاڤى ڕزگاریخوازى گەلى کوردستان و بڵندگۆیی ڕاستەقینەی ئامانجەکان بووە.

جه‌ختیشی كرده‌وه‌ كه‌ ئێزگەی دەنگی کوردستان توانیویەتی ببێتە دەنگی هەموو كوردستانیان لەسەرتاسەری جیهان و خزمەتێکی زۆری كێشە نەتەوایی و نیشتیمانییەكانی کردووە و ڕۆڵی دیار و بەرچاوی هەبووە لە مێژووی ڕاگەیاندنی کوردی.

لای خۆیه‌وه‌ به‌ڕێوه‌به‌ری ئێزگەی دەنگی کوردستان زۆر سوپاسی پارێزگاری هەولێر و شاندی یاوەری کرد بۆ سەردانەکەیان.