Erbil 15°C سێشەممە 19 ئازار 08:16

عێراق و ئه‌مه‌ریکا له‌سه‌ر که‌مکردنه‌وه‌ی هێز له‌ هه‌ولێر و عه‌ین ئه‌سه‌د رێککه‌وتن

کوردستان TV
100%

لیژنه‌ی ته‌كنیكی سوپای عێراق له‌گه‌ڵ فه‌رمانده‌ییی هێزه‌كانی ئه‌مه‌ریكا ڕێككه‌وت تا كۆتایی ئه‌م مانگه‌دا هێزه‌كانی ئه‌مه‌ریكا له‌ هه‌ولێر و عه‌ین ئه‌سه‌د كه‌م بكرێته‌وه‌‌.

دوێنێ پێنجشه‌م له‌ شاری به‌غدای پایته‌ختی عێراق، كۆبوونه‌وه‌یه‌ك به‌ سه‌ركردایه‌تی فه‌ریق ڕوكن عه‌بدولئه‌میر ئه‌لشه‌مه‌ری جێگری فه‌رمانده‌ی ئۆپه‌راسیۆنه‌ هاوبه‌شه‌كان و لیوا جۆن برینان سه‌رۆكی هێزه‌كانی ئه‌مه‌ریكا له‌ عێراق به‌ڕێوه‌چوو‌ بۆ گفتوگۆكردنی زیاتری‌ باری ئه‌منی له‌چوارچێوه‌ی ڕێككه‌وتنی ستراتیجی عێراق-ئه‌مه‌ریكا سه‌باره‌ت به‌ پلانی گۆڕینی رۆلی هێزه‌كانی هاوپه‌یمانی نێوده‌وڵه‌تی له‌ شه‌ڕكه‌ره‌وه‌ بۆ ڕاوێژكاری له‌ عێراقدا كه‌ له‌ كۆبوونه‌وه‌ی‌ 22ی ته‌مووزی 2021 رێككه‌وتنی له‌سه‌ر كرابوو.

هه‌ردوولا له‌سه‌ر ئه‌وه‌ رێككه‌وتن كه‌ یه‌كه‌ و چالاكی هێزه‌‌ شه‌ڕكه‌ره‌كانی ئه‌مه‌ریكا له‌ هه‌ولێر و عه‌ین ئه‌سه‌د تا كۆتایی ئه‌م مانگه‌ به‌ ڕێژه‌یه‌كی به‌رچاو كه‌م بكرێته‌وه‌.

هه‌روه‌ها هه‌ردوولا هاوڕابوون كه‌ هێزه‌كانی ئه‌مه‌ریكا و هاوپه‌یمانی نێوده‌وڵه‌تی له‌سه‌ر داوای عێراق ماونه‌ته‌وه‌ و ده‌بێت به‌هه‌موو شێوه‌یه‌ك پارێزگارییان لێ بكرێ به‌گوێره‌ی یاسا و عورفی نێوده‌وڵه‌تی و بنه‌ما سیاده‌ییه‌كانی عێراق.

هه‌ر له‌ كۆبوونه‌وه‌كه‌ی نێوان جێگری فه‌رمانده‌ی ئۆپه‌راسیۆنه‌ هاوبه‌شه‌كان و سه‌رۆكی هێزه‌كانی ئه‌مه‌ریكا له‌ عێراق باس له‌وه‌ش‌ كرا كه‌ كۆبوونه‌وه‌ و گفتوگاكانی نێوانیان به‌رده‌وامی هه‌بێت بۆ ئه‌وه‌ی گفتوگۆی زیاتر له‌سه‌ر هه‌نگاوه‌كانی داهاتوو بكه‌ن سه‌باره‌ت به‌ گۆڕینی ڕۆلی هێزه‌كانی هاوپه‌یمانان له‌ شه‌ڕكه‌ری ڕاسته‌وخۆوه‌‌ بۆ ڕاوێژكاری تا كۆتایی ئه‌مساڵ.

 

عێراق

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.