Erbil 15°C پێنجشەممە 28 ئازار 11:27

باڵیۆزی یەکێتی ئەوروپا بۆ سه‌رۆک بارزانی: له‌ داهاتووشدا یەکێتی ئەوروپا پاڵپشتی هەرێمی کوردستان دەبێت

کوردستان TV
100%


ڕۆژی یەکشەممە ١ـی ئابی ٢٠٢١ لە سەلاحەددین سەرۆک مەسعود بارزانی پێشوازی لە مارتین هوس باڵیۆزی یەکێتیی ئەوروپا لە عێراق کرد.

لە دیدارەکەدا کە باڵیۆزی یەکێتیی ئەوروپا بەبۆنەی کۆتاییهاتن بە ئەرکەکانی سەردانی سەرۆک بارزانی کردبوو، پێزانینی بۆ بووژانەوە و سەقامگیری هەرێم هەبوو و دەستخۆشی لەو دەستکەوتانە کرد کە هەرێمی کوردستان لە بواری جۆراوجۆری ئابووری و ئیداری و سەقامگیری بە دەستی هێناوە. باڵیۆزی یەکێتی ئەوروپا جەختیشی لەوە کردەوە کە یەکێتیی ئەوروپا لە قۆناغەکانی داهاتووشدا پاڵپشتی هەرێمی کوردستان دەمێنێتەوە.

هەر لەو دیدارەدا بارودۆخی سیاسی عێراق و مەترسی تەحەدیاتەکانی بەردەم پڕۆسەی سیاسی و هەڵبژاردنەکانی داهاتووی عێراق تاوتوێ کران. هەروەها جەختیش لەوە کرایەوە کە باشتربوونی پەیوەندییەکانی نێوان هەرێم و بەغدا یارمەتیدەرە بۆ سەقامگیری زیاتری عیراق.

بارودۆخی ئەمنی و سیاسیی سووریا و ئاییندەی کورد لە سووریا تەوەرێکی تری ئەو دیدارە بوو.

كوردستان TV

کوردستان

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.