کارەبای نیشتمانی لە هەر چوار شارۆچکەی سۆران، مێرگەسۆر، رواندز و چۆمان بە رێژەی نزیکەی 20% زیاد دەبێت

وه‌زاره‌تی كاره‌بای حكومه‌تی هه‌رێمی كوردستان ڕایگه‌یاند: محاویلەى 63MVA وێستگەى 132کەی ڤیی سۆران بە کار دەخرێتەوە و کارەبای نیشتمانی لە هەر چوار شارۆچکەی سۆران، مێرگەسۆر، رواندز و چۆمان بە رێژەی نزیکەی 20% زیاد دەبێت.

پاش ئەوەی کە محاویلەکە لە رۆژی 7 شوباتی 2021 بەهۆی بارزۆرییەوە سووتا و گڕی گرت، لەسەر بڕیاری وەزیری کارەبا بۆ چاککردنەوە بۆ تورکیا گواسترایەوە.

بە چاککردنەوە محاویلەکە و گەڕانەوە و دووبارە بەکار خستنی، بڕی پێدانی کارەبا لە هەر چوار قەزاکە بۆ ئاستی سەردەمی پێش سووتانی محاویلەکە دەگەڕێتەوە، کە بە ڕێژەی 20% کاریگەری لەسەر پێدانی کارەبا هەبووە و، ئێستا لە وەرزی گەرمادا سوودێکی زۆری بۆ دانیشتوانی ناوچەکە دەبێت.