له‌ هه‌ولێر جۆره‌ چەقۆیه‌ك ده‌ستی به‌سه‌رداگیرا بەشێوازی قەڵەم و کلیل و دروستكرابوو

بەفەرمانی قایمقامی هەولێر، ژمارەیەکی زۆر لە چەقۆی قەدەغەکراو دەستی بەسەرداگیرا جێگای مەترسین بۆ کۆمەڵگا.

له‌ راگه‌یه‌ندراوێكی قایمقامیەتى قەزای ناوەندیى هەولێر هاتووه‌، بەفەرمانی (نەبەز عبدالحمید) قایمقامی  هەولێر،لە ھەڵمەتێکی بەرفراوندا لەبازاڕی سەنتەری شاری ھەولێر توانرا دەستبەسەر بڕێکی زۆر لە چەقۆی قەدەغەکراو دابگیرێت، ئەم جۆرە چەقۆیانە بەشێوازی قەڵەم و کلیل و مەدالیای جۆراوجۆر دروستکراون، جێگای مەترسین بۆ کۆمەڵگا.

بۆیە لێرەوە بەباشی دەزانین ئاگاداری ھەموو ئەو شوێنانە بکەینەوە مامەڵە کردن بەم جۆرە چەقۆیانە بەھەموو شێوەیەک قەدەغەکراوە، ھەر کەسێک سەرپێچی بکات ڕووبەڕووی یاسادەکرێتەوە.