جێگرا سكرتێرا نه‌ته‌وين ئيككرتى UN ل عێراقێ سه‌ره‌دانا كه‌مپا شاريا كر

رێكه‌فتى 9-6-2021 خانم (Irena vojackova-Sollorano ) جێگرا سكرتێرا نه‌ته‌وێن ئێكگرتى. UN ل عێراقێ سه‌ره‌دانا كه‌مپا شاريا كر و ژلايێ خانم ( مه‌نال محه‌مه‌د نه‌قشه‌به‌ندى) رێڤه‌به‌را رێڤه‌به‌ريا كۆچ و كۆچبه‌ران و به‌رسڤدانا قه‌يرانان ل پارێزگه‌ها دهوكێ DMCR ڤه‌ هاته‌ پێشوازى كرن.

د سه‌ره‌دانه‌كا مه‌يدانىدا بو ناڤ كه‌مپا شاريا خانم (Irena vojackova-Sollorano) پشته‌ڤانيا خو ديار كر ژ بو هاريكاريا ئاواره‌ و په‌نابه‌ران ل عيراقێ و كوردستانێ ب تايبه‌تى ل پارێزگه‌ها دهوكێ هه‌روه‌سا سوپاسيا حكومه‌تا هه‌رێما كوردستانێ و پارێزگه‌ها دهوكێ و رێڤه‌به‌ريا كۆچ و كۆچبه‌ران و به‌رسڤدانا قه‌يرانان و ده‌زگايێ خێرخوازى يێ بارزانى كر ژ بۆ كارێ وان يێ مروڤايه‌تى و خزمه‌تكرن و ب رێڤه‌برنا وێ ژمارا زور يا ئاواره‌ و په‌نابه‌ران، هه‌روه‌سا خانم (مه‌نال) ێ ب ناڤێ پارێزگه‌ها دهوكێ و رێڤه‌به‌ريا كۆچ و كۆچبه‌ران و به‌رسڤدانا قه‌يرانان و ده‌زگايێ خێرخوازى يێ بارزانى سوپاسيا نه‌ته‌وێن ئێكگرتى كر ژ بۆ هاريكارى و پشته‌ڤانيا وان يا به‌رده‌وام ديسان خواست كو رێكه‌فتن دناڤبه‌را هه‌ولێرێ و به‌غدا دا دروست بيت دا كو ئێمناهى و سه‌قامگيرى و خزمه‌تگوزارى ل شنگالێ په‌يدا بيت و جاره‌كا دى ئاوارێن وان ده‌ڤه‌ران ڤه‌گه‌رنه‌ سه‌ر مال و ملكين خۆ، پشتى گوهداريا داخوازى و پێشنيارێن خه‌لكێ كه‌مپێ هاتيه‌كرن وان ژى سۆپاسيێن خۆ ئاراسته‌ى حكومه‌تا هه‌رێما كوردستانێ كرن ژ بۆ خزمه‌تكرنا وان يا به‌رده‌وام دگه‌ل ئاواره‌ و په‌نابه‌ران هه‌ژى گوتنێ يه‌ كو هه‌تا نوكه ٢١ كه‌مپێن ئاواره‌ و په‌نابه‌ران ل سنورێ پارێزگه‌ها دهوكێ هه‌نه كو ژمارا وان دبنه نێزيكى 85989 خێزان كو دبنه 424823 كه‌س.