له‌ بۆسه‌یه‌كى پەكەكە دا 5 پێشمەرگە شەهیدبوون و 3ی دیكەش برینداربوون

لەئاكامی بۆسه‌یه‌كى چەكدارانی پەكەكە لە چیای مەتینی سنووری قەزای ئامێدی، پێنج پێشمەرگە شەهیدبوون و سێ پێشمەرگەی دیكەش برینداربوون.

لەمبارەیەوە سەربەست لەزگین، بریكاری وەزارەتی پێشمەرگە به‌ كوردستان تیڤى راگەیاند: سه‌ر له‌ به‌یانى ئه‌مڕۆ به‌ مه‌به‌ستى دڵنیاكردنه‌وه‌ى خه‌ڵكى گونده‌كانى ئه‌و ناوچه‌یه‌ و ده‌وروبه‌رى ،هێزێكی پێشمەرگەی زێرەڤانی چووبوونه‌ ناوچه‌كه‌، به‌ڵام له‌كاتى گه‌ڕانه‌وه‌یان ده‌كه‌ونه‌ بۆسه‌یه‌كى چه‌كدارانى په‌كه‌كه‌و به‌و هۆیه‌وه‌ 5 پێشمه‌رگه‌ شه‌هید بوون و سێ دیكه‌ش بریندارن .