گوته‌بێژی وه‌زاره‌تی ئه‌وقاف: سبەی بە دواى مانگدا دەگەڕێین بۆ دیاری كردنی یه‌كه‌م رۆژی جه‌ژنی ره‌مه‌زان


نه‌به‌ز ئیسماعیل گوته‌بێژی وه‌زاره‌تی ئه‌وقاف و كاروباری ئاینی هه‌رێمی كوردستان، به‌ماڵپه‌ری كوردستان تیڤى راگه‌یاند: سبه‌ی سێشه‌مه‌ 11- 5 - 2021 ،سبەی سێشەممە لیژنەی باڵای  بینینى مانگ، بە هەماهەنگی لیژنەی  لاوه‌كییه‌كانی پارێزگاكانی هه‌رێم و ئیداره‌ی گه‌رمیان و راپه‌رین كۆده‌بێته‌وه‌.

راشیگه‌یاند: کۆبوونەوەکە بە مەبەستی دیاریکردنی یەکەم رۆژی جەژنی رەمەزانە،  ئەگەر لە ئێوارەی سێشەممەدا بە بەڵگەوە مانگ بینرا، ئەوە چوارشەممە دەبێتە یەكەمین ڕۆژی جەژن، بەڵام ئەگەر مانگ نەبینرێت، ڕۆژی چوارشەممە تەواوكەری مانگی ڕەمەزان ده‌بێت و پێنجشه‌مه‌ ده‌بێته‌ یه‌كه‌مین رۆژی جه‌ژنی ره‌مه‌زانی پیرۆز.

مانگی ڕەمەزان یەکێکە لە مانگەکانی کۆچی تێیدا موسڵمانان لە بەرەبەیان (نوێژی بەیانی)یەوە تاوەکو ئێوارە (نوێژی مەغریب) بۆ ماوەی 29 یان 30 ڕۆژ بەڕۆژوو دەبن، هیچ جۆرە خواردن و خواردنەوەیەک ناخۆن و ناخۆنەوە. 

شوان عه‌زیز