پارێزگاری هەولێر بەربانگی لەگەڵ پێشمەرگەکانی میحوەری گوێڕ کردەوە

ئێوارەی ئەمڕۆ سێشەمە 2021.5.4، ئومێد خۆشناو، پارێزگاری هەولێر، سەردانی میحوەری گوێڕی هێزەکانی پێشمەرگەی کرد.

لەسەردانەکەیدا، کەهەریەک لە کرمانج عەبدوڵا، بەرپرسی لقی23ی قەرەچووغی پارتی دیموکراتی کوردستان و ژمارەیەکی دیکە لە بەرپرسان ئامادەی بوون، پارێزگاری هەولێر، وێڕای بەرز نرخاندنی ڕۆڵ و قارەمانیەتی پێشمەرگە و قوربانیدانی هێزەکانی پێشمەرگەی کوردستان بەتایبەتی لەشەڕی دژ بە تیرۆریستانی داعش و ئەو سەرکەوتنە مەزنانەی بەدەستیانهێناوە، تەئکید لەزەروورەتی پاراستنی یەكڕیزیی نیشتیمانی و بەرژەوەندییە باڵاكانی كوردستان كردەوە، هەروەها سوپاس و ستایشی هەوڵ و ماندووبوون و شەونخونی فەرماندە و ئەفسەر و پێشمەرگەکان كرد لە بەرانبەر جێبەجێكردنی ئەركەكانیان و پاراستنی هەرێمی کوردستان و هاوڵاتییانی.

پاشان لەئێوارەخوانێکدا، لەگەڵ فەرماندە و ئەفسەر و پێشمەرگەکانی سەنگەری بەرگری لەمیحوەری گوێڕ، بەربانگی ئەمڕۆی کردەوە.