رۆنکرنەک ژ راگەهاندنا پارێزگەها دهۆکێ

کەنالێ ئاسمانی یێ سپێدە دلاپەرێ خۆ یێ فەرمی دتۆرا جڤاکی یا فەیس بووکیدا بناڤێ بەرێز پارێزگارێ دهۆکێ راگەهاندیە،”قەدەغەیا گشتی دێ هەبیت، نابیت کەس ژ مالێن خو دەربکەڤیت” ئەڤ رستە “نابیت کەس ژ مالێن خو بدەرکەڤیت”

ب هیچ رەنگەکێ ژلایێ جەنابێ پارێزگاری ڤە نەهاتیە گوتن و ژلایێ کەنالێ ناڤبری بۆ ئازراندنا هاولاتیێن خۆشتڤی هاتیە بکارئینان و ئەڤە چەندین جارە بابەتێن ژڤی شێوەی ب هەمان مەرەم بکاردئینیت، لەورا داخوازێ ژ کەنالێ سپێدە دکەین ل دویڤ یاسا ژمارە ٣٥ یا کارێ رۆژنامەڤانی ل هەرێما کوردستانێ ڤی بابەتی راستڤەکەت.

بریارا قەدەغەیا هاتنووچوونێ ل لیژنا بلندا رووبەرووبوونا نەساخیا کۆرۆنایێ هاتیەدان و ل سەرانسەری هەرێما کوردستانێ دێ وەکو ئێک بیت.

راگەهاندنا پارێزگەها دهۆک ٢٠٢١/٥/٤