عێراق سه‌رجه‌م گه‌شته‌ ئاسمانییه‌كانی له‌گه‌ڵ هیندستان راگرت

وه‌زاره‌تی گواستنه‌وه‌ی عێراق رایگه‌یاند، سه‌رجه‌م گه‌شته‌ ئاسمانییه‌ راسته‌وخۆكان له‌ عێراقه‌وه‌ بۆ وڵاتی ھیندستان راده‌گیرین.

وه‌زاره‌ته‌كه‌ له‌ راگه‌یه‌ندراوێكدا بڵاویكرده‌وه‌ "كۆمپانیای گشتی ھێڵی ئاسمانیی عێراق له‌ رۆژی سێشه‌ممه‌ رێكه‌وتی 2021/4/27 سه‌رجه‌م گه‌شته‌ ئاسمانییه‌ راسته‌وخۆكانی بۆ وڵاتی ھیندستان تاوه‌كو كاتێكی نادیار راگرت".

له‌ راگه‌یه‌ندراوه‌كه‌دا ئاماژه‌ به‌وه‌شدراوه‌ كه‌ بڕیاری ھه‌ڵوه‌شانه‌وه‌ و راگرتنی گه‌شته‌كان بۆ وڵاتی ھیندستان له‌سه‌ر بنه‌مای رێنمایی ئه‌نجوومه‌نی وه‌زیران/ده‌سه‌ڵاتی فڕۆكه‌وانیی مه‌ده‌نی بووه‌ كه‌ به‌ھۆی مه‌ترسیی دۆخی كۆرۆنا له‌و وڵاته‌ و رێگه‌گرتن له‌ بڵاوبوونه‌وه‌ی ئه‌و ڤایرۆسه‌ بۆ عێراق ده‌ركراوه‌.

جه‌خت له‌وه‌شكراوه‌ته‌وه‌ كه‌ ھێڵی ئاسمانیی عێراقی پابه‌نده‌ به‌ سه‌رجه‌م ئه‌و بڕیارانه‌ی له‌ لایه‌نی باڵاوه‌ ده‌رده‌چێت و له‌كاتی ده‌ركردنی ھه‌ر بڕیارێكی نوێ ئه‌وه‌ له‌پێگه‌ی فه‌رمی وه‌زاره‌تی گواستنه‌وه‌ و ھێڵی ئاسمانی عێراقی ھه‌موولایه‌ك ئاگادار ده‌كه‌نه‌وه‌.