Erbil 15°C پێنجشەممە 28 ئازار 12:50

تورکیا باڵیۆزی سویدی بانگهێشتی وه‌زاره‌تی ده‌ره‌وە‌کرد

کوردستان TV
100%

له‌به‌رئه‌وه‌ی وه‌زیری ده‌ره‌وه‌ی سوید له‌گه‌ڵ مه‌زڵووم عه‌بدی كۆبوونه‌وه‌ی ئه‌نجامداوه‌ بالیۆز بانگهێشت كراوه‌.

وه‌زاره‌تی ده‌ره‌وه‌ی توركیا بڵاویكرده‌وه‌ كه‌ توركیا له‌ په‌یوه‌ندییه‌كانی نێوان سوید و ئیداره‌ی خۆسه‌ری باكوور و رۆژهه‌ڵاتی سووریا نیگه‌ران و تووڕه‌یه‌.

وه‌زاره‌تی ده‌ره‌وه‌ی هه‌روه‌ها باسی له‌وه‌ كردووه‌ كه‌ توركیا پێ ناخۆشه‌ كه‌ سوید گرنگی به‌و هه‌رێمه‌ ده‌دات و له‌ كۆبوونه‌وه‌ی ڤیدیۆكۆنفرانسی نێوان وه‌زیری ده‌ره‌وه‌ی سوید و به‌رپرسانی ئیداره‌ی خۆسه‌ر و فه‌رمانده‌ی گشتی هێزه‌كانی سووریای دیموكراتیك مه‌زڵووم عه‌بدی نیگه‌ران و تووڕه‌یه‌ بۆیه‌ رۆژی سێشه‌مه‌ بالیۆزی سوید له‌ ئه‌نقه‌ره‌ بانگهێشتی وه‌زاره‌تی ده‌ره‌وه‌ كراوه‌ و نیگه‌رانی و تووڕه‌ بوونی توركیا به‌رامبه‌ر به‌و كۆبوونه‌وه‌یه‌ و هاوكارییه‌كانی سوئید بۆ باكوور و رۆژهه‌ڵاتی سووریا گه‌ینراوه‌ته‌ لایه‌نی سوئیدی.

جێگای ئاماژه‌ پێكردنه‌ كه‌ پێش دوو رۆژ وه‌زیری ده‌ره‌وه‌ی سوید له‌ رێگه‌ی ڤیدیۆ كۆنفرانسه‌وه‌ له‌گه‌ڵ به‌رپرسانی ئیداره‌ی زاتی و فه‌رمانده‌ی گشتی هێزه‌كانی سووریای دیموكراتیك كۆ ببوویه‌وه‌ و له‌ كۆبوونه‌وه‌كه‌دا ئاماده‌ییی سویدی بۆ پێشكه‌ش كردنی هه‌ر جۆره‌ هاوكارییه‌ك ده‌ربڕی بوو.

ئه‌رده‌لان گۆران

تورکیا

کۆمێنت (0)

تا ئێستا هیچ کۆمێنتێک نەکراوە.

وەڵام بدەوە وەک میوان

دەتەوێت ئاگانامەکان وەربگریت؟
بمێنەوە لەگەڵ نوێترین هەواڵ و ڕووداوەکانمان.