هونەرمەندی ناسراوی كورد محه‌مه‌د حه‌سه‌ن قه‌وان بە نەخۆشی كۆچی دوایی كرد

هونەرمەندی میللی شاری خورماتوو محەمەد حەسەن قەوان سه‌رله‌به‌یانی رۆژی چوارشه‌ممه‌ 31ی ئازار كۆچی دوایی كرد.

هونەرمەندی كۆچكردوو لە ساڵانی حەفتاكان و هەشتاكان و نەوەدەكانی سەدەی ڕابردوو، هونەرمەندێكی ناسراوی ده‌ڤه‌ری گه‌رمیان بووه و چەندان گۆرانی بۆ تەلەڤزیۆنی كەركووك تۆمار كردبوو.

شایانی باسه‌، هونه‌رمه‌ند محه‌مه‌د حه‌سه‌ن قه‌وان لەسەردەمی بەعسدا لەسەر وتنەوەی گۆرانی (ئازادییە و ئازادی، كوردم ئازادیم دەوێ) كە لە دانیشتنێكدا گوتبووی، دەستگیر كرا و بڕیاری له‌سێداره‌دانی بۆ ده‌رچوو، بەڵام دواتر بەر لێبوردنی گشتی كەوت و ئازاد كرا.