پارێزگاری هەولێر چاره‌سه‌ری كێشه‌ی گۆرانیبێژی میللی شاری هەولێر (عوسمان حوسێن)ی كرد

سەرلەبەیانی ئەمڕۆ دووشەمە 2021.3.1، ئومێد خۆشناو، پارێزگاری هەولێر، لەدیوانی پارێزگا پێشوازی لەگۆرانیبێژی میللی شاری هەولێر (عوسمان حوسێن) کرد و بەڵێنی پێدا گرفتەکانی بۆ چارەسەر بکات.
دوای ئەوەی لەچەند ماڵپەڕ و پەیجێکی تۆڕی کۆمەڵایەتی فەیس بووک بڵاو کرایەوە کە گۆرانیبێژی میللی شاری هەولێر (عوسمان حوسێن) بەهۆی نەبوونی خانوو لەسەر شەقامێکی شاری هەولێر خێوەتی هەڵداوە، پارێزگاری هەولێر، شەوی ڕابردوو پەیوەندیی پێوەکرد و بەیانی ئەمڕۆش لەدیوانی پارێزگا پێشوازی لێکرد و بەڵێنی پێدا گرفتەکانی بۆ چارەسەر بکات.


پارێزگاری هەولێر بڕیاریدا بۆ گۆرانیبێژی میللی شاری هەولێر عوسمان حوسێن خانووێک بەکرێ بگیرێت و مانگانە کرێی خانووەکەی لە دیوانی پارێزگا بۆبدرێت و بەشێک لە پێداویستیی و کەل و پەلی ناوماڵ و بەشە خوراکی پێویستی پێبدرێت، سەبارەت بە نەخۆشی خێزانەکەشی پارێزگاری هەولێر، دڵنیایی گۆرانیبێژی میللی شاری هەولێر عوسمان حوسێنی کردەوە هەرچی لە توانادابێت بۆچارەسەرکردنی نەخۆشیەکەی وەکو پارێزگای هەولێر درێغی لێناکەین.

ktv