پڕۆسه‌ی خوێندن له‌نێو پۆله‌كان دەستپێدەکاتەوە

بڕیاردراوە بە جێبەجێکردنى رێنماییە ته‌ندروستییه‌كان و خۆپارێزیەکان ده‌رگای قوتابخانەکان له‌ هه‌رێمی كوردستان بکرێنەوە.

كه‌مێك پێش ئێستا کۆبوونەوەى لیژنەى باڵاى روبەروبوونەوەى کۆرۆنا کە تایبەت بوو بە پرسی دەستپێکردنەوەی پڕۆسه‌ی خوێندن کۆتایى هات، بەپێى زانیارییەکان بریاردراوه‌ سەرەتای هەفتەی داهاتوو بە جێبەجێکردنی ڕێکاری تەندروستی دەرگای قوتابخانەکان ده‌كرێنه‌وه‌، لە قۆناغی یەکەمیش پۆلی 12 ده‌گه‌رێنه‌وه‌ ناو پۆڵه‌كانیان.

شایه‌نی باسه‌ له‌ ماوه‌كانی رابردوودا به‌هۆی رێژه‌ی تووشبووان به‌ ڤایرۆسی كۆرۆنا لیژنه‌ی به‌رەنگاربوونه‌وه‌ی كۆرۆنا له‌ هه‌رێم بریاریدا ده‌رگای قوتابخانه‌كان دابخرێن.